رام چندر گہا نے راہل گاندھی کا استعفیٰ مانگا، کہا، خود اعتمادی بھی گنوادی

Source: S.O. News Service | By Shahid Mukhtesar | Published on 25th May 2019, 10:48 AM | ملکی خبریں |

نئی دہلی، 25 مئی(ایس او نیوز/آئی این ایس انڈیا) لوک سبھا انتخابات 2019 میں بھارتیہ جنتا پارٹی کی تاریخی فتح کے بعد کانگریس کی کرکری ہو رہی ہے۔2014 میں 44 سیٹ اور اب 52 سیٹیں ملنے کے بعد کانگریس قیادت پر سوال اٹھنے لگ گئے ہیں۔مشہور مورخ اور گزشتہ پانچ سال میں کئی بار مودی حکومت پر سوال اٹھانے والے رام چندر گہا نے بھی اب راہل گاندھی کی قیادت پر سوال کھڑے کر دئے ہیں۔رام چندر گہا نے لکھاکہ وہ حیران ہیں کہ ابھی تک راہل نے استعفی نہیں دیا ہے۔رام چندر گہا نے اپنے ٹوئٹر پر لکھاکہ وہ حیران ہیں کہ ابھی تک راہل گاندھی نے کانگریس صدر کے عہدے سے استعفی نہیں دیا ہے،ان کی پارٹی نے اس الیکشن میں بہت برا انجام ہے،وہ اپنی ہی سیٹ ہی ہار چکے ہیں۔رام چندر گہا نے آگے لکھاکہ راہل گاندھی نے اپنی خود اعتمادی، سیاسی قد دونوں ہی گنوا دیا ہے،میں مطالبہ کرتا ہوں کہ کانگریس کو اب ایک نئی قیادت کی ضرورت ہے لیکن کانگریس کے پاس وہ بھی نہیں ہے۔

بتا دیں کہ کانگریس صدر راہل گاندھی بھی خود اپنے عہدے سے استعفی دینے کی پیشکش کر چکے ہیں۔ذرائع کی مانیں تو وہ یو پی اے چیئر پرسن سونیا گاندھی کے سامنے استعفیٰ کی پیشکش کر چکے ہیں، لیکن اس پر 25 مئی کو ہونے والی کانگریس ورکنگ کمیٹی کی میٹنگ میں بحث ہوگی۔رام چندر گہاکی گنتی گزشتہ پانچ سال میں مودی حکومت کے سخت ناقدین میں ہوتی ہے، ایسے میں ان کی طرف سے اس بار کانگریس کو ہی کوسا گیا ہے۔اس شرمناک ہار پر کانگریس کی ہر طرف تنقید ہو رہی ہے، تو وہیں پارٹی میں استعفیٰ کا دور بھی شروع ہو گیا ہے۔
 

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔