کوروناکے معاملات میں مسلسل اضافہ۔ رام نگرم ضلع کا کووڈ ہاٹ اسپاٹ ہونا خود عوام کو ستانے لگا

Source: S.O. News Service | Published on 19th January 2022, 12:48 PM | ریاستی خبریں |

رام نگرم، 19؍جنوری (ایس او نیوز)پچھلے دنوں ریاست بھر میں کووڈ کی تیسری لہرکے دوران اور اومیکرون کے تیزی سے پھیلنے کے باوجود ضلع میں کووڈ کے مریضوں کی تعداد کم ہی نظرآرہی تھی،مگر پچھلے ایک ہفتے سے کووڈ کے مریضوں کی تعداد میں اضافہ ہواہے۔

بنگلورو کے قریب واقع رام نگرم ضلع کے عوام ہرروز مختلف کام کاج کیلئے بنگلور جاتے ہیں،ان کے علاوہ روزانہ ضلع سے 4ہزار افراد ملازمت کیلئے بنگلور کا رخ کرتے ہیں۔بنگلور سے قریبی رابطہ رکھنے والے رام نگرم ضلع میں بھی بنگلور کی طرح تیزی کے ساتھ کوروناکے معاملات میں اضافہ ہورہاہے اور بنگلور کی طرح رام نگرم کو بھی ہاٹ اسپاٹ قرار دے دئے جانے کا خوف ضلع کے عوام کو ستانے لگاہے۔رام نگرم کی موجودہ رکن اسمبلی انیتا کمار سوامی اور ماگڑی کے سابق رکن اسمبلی ایچ سی بال کرشنا دونوں کورونا سے متاثرہوئے ہیں۔پچھلے ہفتے ہی رکن اسمبلی انیتا کمارسوامی نے حلقے کا دورہ کیاتھا اورمختلف علاقوں میں تعمیری اور ترقیاتی کاموں کا سنگ بنیاد رکھاتھا،جس کے بعد انہیں بھی کورونا پازیٹیو ہونے کی تصدیق ہوئی ہے۔کورونارپورٹ کے پازیٹیو آنے کے بعد انیتاکمارسوامی بنگلور کے اپنے گھر میں ہوم آئیسولیٹ ہیں اور اپناعلاج کروا رہی ہیں۔

کانگریس قیادت میں کی گئی میکے داٹو پد یاترا میں شرکت کرنے والے پارٹی لیڈروسابق رکن اسمبلی ایچ سی بال کرشناکی کورونارپورٹ بھی پازیٹیو آئی ہے،ان کے علاوہ دیگر کانگریس لیڈر بھی کوروناسے متاثر ہوئے ہیں۔اس سلسلے میں ٹویٹ کرنے والے سابق رکن اسمبلی ایچ سی بال کرشنانے کہاہے کہ انہیں کوروناہواہے اور وہ صحت مند ہیں،پچھلے دو دنوں سے جنہوں نے بھی ان سے ملاقات کی ہے وہ اپناکووڈ ٹسٹ کروالیں،وہ خود بنگلور کی اپنی رہائش گاہ پر ہوم آئیسولیٹ ہیں،ان سے ملاقات کرنے کی کوشش نہ کریں۔3جنوری کو وزیر اعلیٰ کے دورہ رام نگرم کے بعد ڈپٹی کمشنر،اڈیشنل ڈپٹی کمشنراور ضلع پنچایت کے سی ای او بھی کوروناسے متاثر پائے گئے تھے،ان افسروں کا علاج ابھی جاری ہے۔سب سے پہلے ضلع پنچایت کے سی ای او اکرام کی کورونارپورٹ پازیٹیوآئی تھی،وزیر اعلیٰ کے پروگرام کے دو تین دن بعد ہی ڈپٹی کمشنر ڈاکٹر کے راکیش کمارکوروناپازیٹیو پائے گئے۔اس کے دودن بعد اڈیشنل ڈپٹی کمشنر جورے گوڈا کی رپورٹ بھی پازیٹیو آئی۔ضلع میں اب تک کوروناکے مریضوں کی تعداد میں اضافہ ہواہے اور کوروناکی تیسری لہر کے آغاز کے بعد پچھلے آٹھ دنوں سے دو کورونامریضو ں کی موت ہوئی ہے اور کوروناکے مریضوں کی تعداد ایک ہزار سے زیادہ ہوچکی ہے۔

ایک نظر اس پر بھی

حجاب کیس: ججوں کو دھمکیاں دینے والے شخص کی درخواست ضمانت مسترد

بنگلورو کی ایک سیشن عدالت نے تمل ناڈو کے ترونیل ویلی سے تعلق رکھنے والے رحمت اللہ کی ضمانت کی درخواست مسترد کر دی ہے، جو حال ہی میں کلاس رومز میں حجاب پہننے پر فیصلہ سنانے والے کرناٹک ہائی کورٹ کے ججوں کی جان کو مبینہ طور پر خطرے میں ڈالنے کے الزام میں عدالتی حراست میں ہے۔ سٹی ...

صد فیصد مارکس لینے والے اردو میڈیم طلبہ کا ذکر نہ ہونے پر ایس ایس ایل اسی بورڈ سے بزم اردو وجئے پور نے چاہی وضاحت

بزم اردو وجئے  پور نے ایس ایس ایل کی بورڈ بنگلورو سے وضاحت طلب کی ہے کہ امسال ایس ایس ایل سی اردو میڈیم میں 625 میں سے 625 مارکس حاصل کرنے والے اردو میڈیم طلبہ کو آیا دور رکھا گیا ہے یا پھر اردو میڈیم کے طلبہ قابل نہیں تھے۔

بنگلور: ایس ایس ایل سی نتائج کے بعد پرائیویٹ سمیت سرکاری کالجوں میں بھی رش ۔ پی یوسی میں داخلہ لینے کالج میں طلبہ اوروالدین کی لمبی قطاریں

ایس ایس ایل سی امتحانات کے نتائج کے اعلان کے بعد پی یوکالجوں میں داخلہ کارروائی زوروں سے شروع ہوگئی ہے۔والدین اورطلبہ قطاروں میں کھڑے ہوکر فارم لیتے ہوئے عرضیاں پر کررہے ہیں۔ بنگلورو شہرکے معروف کالجوں میں عرضی حاصل کرنے کے لیے کلو میٹرکی مسافت تک کھڑے ہوئے والدین عرضیاں ...

بنگلورو کے ترقیاتی کاموں کی نگرانی کیلئے8ٹاسک فورس قائم کرنے کا فیصلہ:   وزیر اعلیٰ  بسواراج بومئی

  وزیر اعلیٰ  بسواراج بومئی نے کہا کہ بنگلورو میں ترقیاتی کاموں کی نگرانی اور شدید بارش جیسی کسی بھی ہنگامی صورت حال میں درکار فیصلے لینے کے لیے شہر کے تمام آٹھ زونس میں وزیر کی قیادت میں ٹاسک فورس تشکیل دی جائے گی۔ چیف منسٹر نے ارکا ن اسمبلی اور وزراء کے ہمراہ جمعہ کو شہر کے ...

گیان واپی مسجد کےخلاف سازشیں ناکام بنائیں،عبادت گاہوں سے متعلق ایکٹ 1991ء کو نافذ کرنے کا مطالبہ ، ایس ڈی پی آئی کا ریاست گیر احتجاجی مظاہرہ

سوشیل  ڈیموکریٹک پارٹی آف انڈیا نے وارانسی میں گیان واپی مسجد کے ایک حصے کو سیل کرنے کے وارانسی عدالت کے حکم پر سخت اعتراض کرتے ہوئے ‘گیان واپی مسجد کے خلاف سازشیں ناکام بنائیں۔ عبادت گاہوں کے ایکٹ 1991کو نافذ کرو ‘کے مطالبے کے تحت بنگلور، میسور، چتر ...