بنگلورو: نقلی آئی اے ایس افسرگرفتارکرلیا گیا
بنگلورو،10؍ستمبر(ایس او نیوز) آرٹ آف لیونگ کے سربراہ روی شنکر گروجی سمیت مختلف افراد کو دھوکہ دینے والے نقلی آئی اے ایس افسرکو کگلی پورہ پولیس اسٹیشن کے اہکاروں نے گرفتارکیا ہے -پولیس نے بتایا کہ بنگلورجنوب تعلقہ سالوہنسے علاقہ کے رہنے والے 24 سالہ ششربالا صاحب کو گرفتارکیا گیا جس کا تعلق مہاراشٹرا کے جلگاؤں سے ہے -پولیس کے مطابق ملزم گریجویٹ ہے لیکن روزگار نہ ہونے کی وجہ سے اپنے آپ کو مرکزی وزارت داخلہ میں آئی اے ایس افسر قرار دے کر نقلی شناختی کارڈ بنوایا تھا-تحقیقات سے پتہ چلا ہے کہ ملزم نے روی شنکر گروجی کے آشرم پہنچ کر آشرم کے جائیداد کے سلسلہ میں جاری تنازعہ کو حل کرانے کا یقین دلاکر رقم حاصل کی تھی اورمقامی پولیس کو بھی آئی اے ایس افسر بتاتاتھا- ملزم کے قبضہ سے نقلی شنتاختی کارڈ،کاراورموبائل ضبط کرلئے گئے ہیں -