کاروار30/نومبر (ایس او نیوز) یلاپور تحصیلدار دفتر کے احاطے سے ضمنی انتخاب کے سلسلے میں ایک بیداری ریالی شروع کی گئی۔ اس سے قبل پروگرام کا افتتاح پروبیشنری آئی اے ایس آفیسر راہل سندے نے کیا۔ الیکٹورل آفیسر ایشور الاگڈی نے صدارت کی۔
تحصیلدار وشواناتھ، تعلقہ پنچایت سی ای او جگدیش کمار، بی ای او این آر ہیگڈے، ضلع وارتا آفیسر ہیمنت راجو، سی ڈی پی فاطمہ چولکی وغیرہ موجود تھے۔
ضلعی سطح کی سویپ کمیٹی کی طرف سے ریالی نکالی گئی تاکہ ووٹروں میں الیکشن کے تعلق سے بیداری پیدا کی جاسکے۔اس ضمن میں ریالی دوران پیش کیا گیا ناٹک لوگوں کے لئے دلچسپی کا باعث ہوا۔ ریالی میں آنگن واڈی اور آشا کارکنا ن کے علاوہ طلبہ نے حصہ لیا۔