اگلے چیف الیکشن کمشنر کے نام کا اعلان، راجیو کمار 15 مئی سے سنبھالیں گے ذمہ داری

Source: S.O. News Service | Published on 12th May 2022, 10:23 PM | ملکی خبریں |

نئی دہلی،12؍مئی (ایس او نیوز؍ایجنسی) راجیو کمار ملک کے اگلے چیف الیکشن کمشنر ہوں گے۔ وہ 15 مئی کو یہ عہدہ سنبھالیں گے۔ موجودہ چیف الیکشن کمشنر سشیل چندرا کی مدت کار 14 مئی کو مکمل ہو رہی ہے، اسی کے پیش نظر نئے چیف الیکشن کمشنر کے نام کا اعلان کیا گیا ہے۔

مرکزی وزیر قانون کرن رجیجو نے ایک ٹوئٹ کر اس سلسلے میں جانکاری دی۔ انھوں نے ٹوئٹ میں لکھا ہے کہ ’آئین کی دفعہ 324 کے شق (2) کے مدنظر صدر جمہوریہ نے راجیو کمار کو 15 مئی 2022 سے چیف الیکشن کمشنر کی شکل میں مقرر کیا ہے۔ راجیو کمار کو میری مبارکباد۔‘‘ تقرری نامہ میں کہا گیا ہے کہ سشیل چندرا کی مدت کار ہفتہ کے روز مکمل ہو رہی ہے۔

واضح رہے کہ حال ہی میں راجیو کمار نے نیتی آیوگ کے عہدہ سے استعفیٰ دے دیا تھا۔ نیتی آیوگ کا نائب سربراہ بننے سے پہلے راجیو کمار فکی کے جنرل سکریٹری بھی رہے تھے۔ یہی نہیں، سال 1992 سے 1995 تک راجیو کمار وزارت مالیات کے معاشی مشیر بھی رہ چکے ہیں۔

ایک نظر اس پر بھی

حجاب کیس: ججوں کو دھمکیاں دینے والے شخص کی درخواست ضمانت مسترد

بنگلورو کی ایک سیشن عدالت نے تمل ناڈو کے ترونیل ویلی سے تعلق رکھنے والے رحمت اللہ کی ضمانت کی درخواست مسترد کر دی ہے، جو حال ہی میں کلاس رومز میں حجاب پہننے پر فیصلہ سنانے والے کرناٹک ہائی کورٹ کے ججوں کی جان کو مبینہ طور پر خطرے میں ڈالنے کے الزام میں عدالتی حراست میں ہے۔ سٹی ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...