کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

Source: S.O. News Service | By Shahid Mukhtesar | Published on 26th June 2019, 11:48 PM | ملکی خبریں |

نئی دہلی، 26 جون(ایس او نیوز/آئی این ایس انڈیا)سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی جسٹس سنجیو کھنہ اور جسٹس بی آر گوی کی بنچ نے ای ڈی کی اپیل پر سکسینہ کو نوٹس جار کیا۔ ای ڈی نے دہلی ہائی کورٹ کے 10 جون کے اس حکم کو چیلنج کیا تھا جس میں سکسینہ کو 25 جون سے 24 جولائی تک متحدہ عرب امارات، برطانیہ اور یورپ جانے کی اجازت دی گئی تھی۔ بنچ نے ہائی کورٹ کے حکم پر تین ہفتے کے لئے روک لگائی اور ایمس کے ڈائریکٹر کو سکسینہ کی ذہنی اور جسمانی جانچ کرکے تین ہفتوں کے اندر رپورٹ پیش کرنے کو کہا۔ بنچ نے سکسینہ کے وکیل سے یہ طے کرنے کو بھی کہا کہ کیا سکسینہ کی بہن اور رشتہ دار کینسر اور دیگر بیماریوں کے علاج کے لئے اسے باہر جانے دینے کے لئے ضامن کے طور پانچ پانچ کروڑ روپے کی ضمانت کی رقم دینے کے لئے تیار ہیں۔ سالیسٹر جنرل تشار مہتہ نے کہا کہ دوسرے جرائم سے منسلک کچھ نئے حقائق سامنے آئے ہیں اور سی بی آئی سکسینہ کے خلاف جلد ہی سرکاری طور پر ایف آئی آر درج کرنے جا رہی ہے۔ ای ڈی کے وکیل مہتا نے کہا کہ سکسینہ ہندوستان لوٹیں گے یا نہیں یہ سوال ہی بے معنی ہے اور اسے بیرون ملک بھیجنے کی اجازت دینے والے حکم کو نئے حقائق کی روشنی میں جانچنے کی ضرورت ہے۔ 
 

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...