بلدیاتی انتخابات میں کانگریس کا دبدبہ،اشوک گہلوت نے حکومت کے کام پرمینڈیٹ بتایا

Source: S.O. News Service | Published on 19th November 2019, 9:55 PM | ملکی خبریں |

جے پور19نومبر(ایس او نیوز/آئی این ایس انڈیا) راجستھان میں 49 شہر ی اداروں میں ایک ہزارسے زائد کونسلروں کے لیے ہوئے انتخابات میں کانگریس کا دبدبہ رہا۔ پارٹی مجموعی طور 900 سے زائد وارڈوں میں جیتی اور کئی اہم جگہوں پر اس کا بورڈبنناطے ہے۔وزیراعلیٰ اشوک گہلوت نے اسے ان کی حکومت کے کام پر مینڈیٹ بتایاہے۔ریاستی الیکشن محکمہ کی ویب سائٹ کے مطابق نتائج آنے کے بعد تمام وارڈوں میں صورتحال صاف ہوگئی ہے۔ان نتائج کے مطابق مجموعی طور پر بات کی جائے تو کانگریس کے 961، بی جے پی کے 737، بی ایس پی کے 16، سی پی ایم کے تین، این سی پی کے دو امیدوارجیتے ہیں۔نتائج میں دلچسپ بات یہ ہے کہ 386 وارڈوں میں آزاد امیدواروں نے کامیابی حاصل کی ہے جو بہت سے جگہ بورڈ بنانے میں بڑا کردار ادا کریں گے۔وزیراعلیٰ گہلوت نے باڈی انتخابات میں کانگریس کی اچھی کارکردگی کو حکومت کے کام پر مینڈیٹ بتایاہے۔انھوں نے کہاہے کہ عوام نے میڈیٹ دیا ہے یہ سوچ کر کہ حکومت جس طرح پرفارم کر رہی ہے اس سمت میں ہم آگے بڑھ رہے ہیں۔اشوک گہلوت نے کہاہے کہ ہم چاہتے ہیں کہ جومسائل شہر کے ہیں ان کو ترجیح کی بنیاد پر حل کریں اور عوام نے اعتماد ظاہر کیا ہے ان توقع اور امیدوں کے مطابق حکومت کام کرے۔گہلوت نے کہاہے کہ میں عوام کو کہنا چاہوں گا کہ آپ مطمئن رہیں، ہم لوگ کام کرنے میں کوئی کسر نہیں چھوڑیں گے۔قابل ذکر ہے کہ ریاست میں تین شہر کارپوریشنز، 18 سٹی کونسل اور 28 نگر پالیکاؤں یعنی کل 49 اداروں میں رکن کونسلر کے عہدے کے لئے ہفتہ کو پولنگ ہوئی تھی۔

ایک نظر اس پر بھی

سی بی ایس ای طلباء کو راحت، 9؍ویں سے 12؍ ویں کے نصاب میں 30 فیصد تخفیف

کووڈ-19 کے بڑھتے معاملات کے درمیان اسکول کے نہ کھل پانے کی وجہ سے نظام تعلیم پر اثر اور کلاسز کے اوقات میں بھی آئی کمی کے پیش نظر سی بی ایس ای نے منگل کو تعلیمی سال 21-2020 کے لئے 9ویں -12ویں کا نصاب 30 فیصدی تک کم کر دیا ہے۔

کورونا انفیکشن: ہندوستان ہوا بے حال، مریضوں کی تعداد تقریباً 7.5 لاکھ، مہلوکین 20642

 ہندوستان میں کورونا کا قہر لگاتار بڑھتا ہی چلا جا رہا ہے۔ گزشتہ کچھ دنوں سے روزانہ 20 ہزار سے زائد نئے مریض سامنے آ رہے ہیں اور مہلوکین کی تعداد میں بھی 400 سے 500 کے درمیان درج کی جا رہی ہے۔ تازہ ترین خبروں کے مطابق ہندوستان میں کورونا متاثرہ افراد کی کل تعداد 7.42 لاکھ اور ہلاکتوں ...