ساحلی اور ملناڈ کے علاقوں میں موسلا دھاربارش۔2 افراد کی موت
بھٹکل 24/اپریل (ایس او نیوز) منگل کے دن ساحلی اورملناڈ کے کئی تعلقہ جات میں اچانک بادلوں کی گھن گرج اور بجلیوں کی کڑک کے ساتھ موسلادھار بارش ہوئی، جس کے نتیجے میں 2افراد ہلاک ہوگئے ہیں۔
چکمگلورو ضلع کے کلسا، بالے ہونور، نرسمہا راج پور اور دیگر علاقوں میں زبردست بارش ہوئی اور چند مقامات پر اولے بھی گرنے کی خبریں موصول ہوئی ہیں۔ جبکہ شیموگہ ضلع کے ساگر، سورب، تیرتھلّی، ہوسانگر وغیرہ میں برسات ہوئی۔ شیموگہ ضلع میں منگل کے دن پارلیمانی الیکشن کے لئے پولنگ بھی چل رہی تھی، اس دوران اچانک تیز بارش شروع ہونے کی وجہ سے کچھ گھنٹوں تک پولنگ متاثر ہوئی۔ اسی طرح ضلع اُترکنڑا کے سرسی، منڈگوڈ، کمٹہ اور بھٹکل وغیرہ میں بھی بارش سے انتخابی کاروائی کچھ وقت کے لئے متاثر ہوئی۔
ہونسور کے مختلف مقامات پربارش کی وجہ سے فصلیں برباد ہوگئی ہیں اور درختوں کے گرنے سے کئی گھروں کو نقصان پہنچا ہے۔ہونسیگال نامی گاؤں میں تیز طوفانی ہواؤں کی وجہ سے 70سے زیادہ گھروں کو نقصان پہنچا ہے۔بہت سارے گاؤں میں گھروں کی چھتیں طوفانی ہواؤں میں اڑ گئی ہیں۔سیکڑوں درخت جڑوں سے اکھڑ گئے ہیں۔
چامراج نگر تعلقہ میں چینمّا (۵۶سال) نامی ایک بزرگ خاتون بارش کے پانی سے بھرے گڈھے میں گر کر ہوگئی جبکہ ڈوڈاتائیمّا (۰۷سال) ایک اور بزرگ خاتون ناریل کے باغ میں کام کرتے وقت ہوامیں اڑنے والی شیٹ کی زد میں آکر ہلاک ہونے کا حادثہ پیش آیا ہے۔