بارش سے متاثرہندوستان اور نیوزی لینڈ کے درمیان تیسرا ٹی-20 میچ ٹائی ، سیریز 1-0 سے ہندوستان کے نام

Source: S.O. News Service | Published on 22nd November 2022, 8:31 PM | اسپورٹس |

نیپئر،22؍نومبر (ایس او نیوز؍ایجنسی) مسلسل بارش کے باعث ہندوستان اور نیوزی لینڈ کے درمیان تیسرا ٹی-20 میچ ٹائی ہو گیا ہے۔ ڈکورتھ لوئس میتھڈ کے مطابق یہ میچ برابر رہا اور اس طرح تین میچوں کی سیریز 1-0 سے ہندوستان کے نام ہو گئی۔ ہندوستان نے 9 اوور میں 4 وکٹوں پر 75 رنز بنائے تھے۔ جس میں ہاردک پانڈیا 30 رنز بنانے کے بعد ناٹ آؤٹ رہے اور دیپک ہڈا نے 9 رنز بنائے۔ نیوزی لینڈ کی جانب سے دیئے گئے 161 رنز کے ہدف کے تعاقب میں بھارتی ٹیم 9 اوورز میں 4 وکٹیں گنوا چکی تھی جس کے بعد میچ شروع نہ ہو سکا۔ محمد سراج کو پلیئر آف دی میچ، جبکہ سوریہ کمار یادو کو پلیئر آف دی سیریز قرار دیا گیا۔

محمد سراج (17/4) اور ارشدیپ سنگھ (37/4) کی شاندار گیند بازی کی بدولت ہندوستان نے منگل کو تیسرے ٹی۔20 میں نیوزی لینڈ کو 160 رنز پر آؤٹ کر دیا۔ نیوزی لینڈ کی جانب سے ڈیون کونوے (59) اور گلین فلپس (54) نے نصف سنچریاں اسکور کیں، تاہم دیگر بلے بازوں کے نہ چلنے کی وجہ سے کیویز ٹیم ہندوستان کو 161 رنز کا ہی ہدف دے سکی۔

ہدف کا تعاقب کرنے اتری ٹیم انڈیا کی شروعات قدر بہتر نہیں رہی اور اس نے 21 رن کے اسکور پر ہی تین وکٹ کھو دیئے۔ سلامی بلے بازوں ایشان کشن اور رشبھ پنت نے بالترتیب 10 اور 11 رنوں کا تعاون کیا، جبکہ شریس ایئر کھاتہ بھی نہیں کھول سکے۔ اس کے بعد کپتان ہارک پانڈیا اور سوریہ کمار یادو نے اننگ کو آگے بڑھایا لیکن ان دنوں شاندار کرکردگی کا مظاہرہ کر رہے سوریہ کمار یادو 7 ویں اوور میں 13 رن کے نجی اسکور پر آؤٹ ہو گئے۔

دریں اثنا، ہدف کا تعاقب کرنے اتری ٹیم انڈیا کی شروعات قدر بہتر نہیں رہی اور اس نے 21 رن کے اسکور پر ہی تین وکٹ کھو دیئے۔ سلامی بلے بازوں ایشان کشن اور رشبھ پنت نے بالترتیب 10 اور 11 رنوں کا تعاون کیا، جبکہ شریس ایئر کھاتہ بھی نہیں کھول سکے۔ اس کے بعد کپتان ہارک پانڈیا اور سوریہ کمار یادو نے اننگ کو آگے بڑھایا لیکن ان دنوں شاندار کرکردگی کا مظاہرہ کر رہے سوریہ کمار یادو 7 ویں اوور میں 13 رن کے نجی اسکور پر آؤٹ ہو گئے۔

آخری اطلاع موصول ہونے تک میدان میں بارش ہو رہی تھی اور 9 اوور مکمل ہو چکے تھے۔ ہندوستان نے 9 اوور میں 4 وکٹ کے نقصان پر 75 رن بنا لئے ہیں۔ کپتان ہارک پانڈیا 18 گیندوں میں 30 رن بنا کر جبکہ دیپک ہڈا 9 گیندوں میں 9 رن بنا کر کھیل رہے تھے۔ ڈکورتھ لوئس میتھڈ کے مطابق ہندوستان کو 9 اوور میں جیت کے لئے 76 رن بنانے تھے یعنی فی الحال میچ کا اسکور برابر ہے اور اگر اس کے بعد ایک بھی گیند نہیں پھینکی جا سکی تو میچ ٹائی ہو جائے گا۔

قبل ازیں، ٹاس جیت کر پہلے بیٹنگ کرتے ہوئے نیوزی لینڈ نے تین رنز پر فن ایلن کی وکٹ گنوا دی۔ کین ولیمسن کی جگہ آنے والے مارک چیپ مین صرف 12 رنز ہی بنا سکے جس کے بعد کونوے اور فلپس کی جوڑی نے اننگز کو سنبھالا۔ آہستہ شروع کرنے والے کونوے نے 11 گیندوں میں صرف دو رنز بنائے لیکن چوتھے اوور میں انہوں نے ارشدیپ سنگھ کی گیندوں پر ایک چھکا اور دو چوکے لگا کر اپنے ہاتھ کھولے۔ فلپس نے بھی جارحانہ کھیل کا مظاہرہ کیا اور دونوں کے درمیان تیسری وکٹ کے لیے 86 رنز کی شراکت قائم ہوئی۔ کونوے نے 49 گیندوں میں پانچ چوکوں اور دو چھکوں کی مدد سے 59 رنز بنائے جبکہ فلپس نے 33 گیندوں میں پانچ چوکوں اور تین چھکوں کی مدد سے 54 رنز بنائے۔

یہ جوڑی نیوزی لینڈ کو بڑے اسکور تک لے جا رہی تھی لیکن ہندوستانی گیند بازوں نے آخری اوور میں وکٹیں لے کر میچ پر قبضہ جما لیا۔ نیوزی لینڈ نے 15 اوورز میں دو وکٹوں کے نقصان پر 129 رنز بنانے کے بعد صرف 31 رنز پر اگلی آٹھ وکٹیں گنوا دیں۔

سراج نے چار اوورز میں 17 رنز دے کر فلپس سمیت چار بلے بازوں کو آؤٹ کیا۔ ارشدیپ نے بھی چار اوور میں 37 رن دے کر چار وکٹ لئے جس میں کانوے کا قیمتی وکٹ بھی شامل تھا۔ ہرشل پٹیل نے آخری اوور میں ٹم ساؤتھی کو بولڈ کیا اور پوری کیوی ٹیم 19.4 اوورز میں 160 رنز پر ڈھیر ہوگئی۔

ایک نظر اس پر بھی

فیفا ورلڈ کپ 2022: ارجنٹینا کی سپر 16 ریس میں واپسی

فیفا ورلڈ کپ 2022 جیتنے کے مضبوط دعویدار ارجنٹینا نے کپتان لیونل میسی کی بدولت میکسیکو کو 2-0 سے شکست دے کر سپر-16 میں پہنچنے کی اپنی امیدیں برقرار رکھیں۔ لوسیل اسٹیڈیم میں ہفتہ کو گروپ سی کے میچ میں میسی (64ویں منٹ) نے اپنی ٹیم کو برتری دلائی، جبکہ 87ویں منٹ میں میسی کی معاونت سے ...

فیفا ورلڈ کپ: سعودی عرب کو دوسرے میچ میں پولینڈ کے ہاتھوں شکست

فٹبال  ورلڈ کپ میں سعودی عرب اپنے دوسرے میچ میں پولینڈ کے ہاتھوں شکست کھا گیا۔قطر میں جاری ورلڈ کپ میں پولینڈ نے سعودی عرب کو 0-2 سے شکست دی۔ پولینڈ کے پیوٹر زیلنسکی نے 39 ویں اور روبرٹ نے82 ویں منٹ میں گول اسکورکیا۔

فیفا عالمی کپ 2022: ایران نے ویلس کو دی دو گول سے شکست ، جیت کے ساتھ ہی ایران کے حوصلے بلند، اگلے دور کے لئے امیدیں برقرار

قطر میں چل رہے فیفا عالمی کپ میں ایران نے ایک سنسنی خیز مقابلے میں ویلس کو صفر کے مقابلے میں دو گول سے ہرا دیا۔ اس جیت سے ایران  کی ٹیم نے انگلیند کے ہاتھوں ہوئی  ہار سے فٹبال شائقین میں اپنی عزت بحال کی ہے اور ایران اگلے دور کے لئے ہونے والی دوڑ میں ابھی بنا ہوا ہے۔

فیفا ورلڈکپ: میزبان قطر عالمی کپ سے باہر

 سب سے پہلے ٹورنامنٹ میں جگہ بنانے والا میزبان قطر عالمی کپ کی دوڑ سے باہر ہونے والا پہلا ملک بھی بن چکا ہے۔ سچ پوچھیں تو حیرت نہیں ہوئی کیونکہ قطر کا موازنہ دیگر ٹیموں سے کرنا بے وقوفی تھی۔

سعودی عرب کے فٹ بال کھلاڑی مالا مال، ارجنٹائن کو شکست دینے پر ملے گی رولز رائس

قطر کے لوسیل اسٹیڈیم میں دو بار کے فیفا ورلڈ کپ چیمپئن ارجنٹائن کے خلاف سعودی عرب کی جیت کو   فٹبال کی دینا میں سب سے بڑے سرپرائز کے طور پر دیکھا  جا رہا ہے۔ بہت سے لوگوں نے ارجنٹائن کی شکست کو ورلڈ کپ کی تاریخ کا سب سے بڑا الٹ پھیر قرار دیا ہے۔