بنگلورو میں موسلادھار بارش سے ٹرافک جام موٹر گاڑیوں پر 25سے زائد درخت گرنے سے شدید نقصان

Source: S.O. News Service | By Shahid Mukhtesar | Published on 27th May 2019, 11:01 AM | ریاستی خبریں |

بنگلورو،27؍مئی (ایس او نیوز) ہفتہ کی رات تیز ہواؤں کے ساتھ ہوئی موسلادھار بارش سے 25سے زائد درخت کئی گاڑیوں پر گرنے سے کافی نقصان پہنچاہے- ہفتہ کی شام 5بجے شروع ہوئی بارش 6:30بجے شہر کے اہم علاقوں میں کافی تیز ہواؤں کے ساتھ جاری رہی- جس کی وجہ سے کئی علاقوں اور سڑکوں پر درخت گر پڑے- جس سے کافی دیر تک ٹرافک جام رہی- طوفانی ہواؤں کی وجہ سے جہاں درخت جڑوں سے اکھڑ چکے تھے وہیں سواریوں کو آگے بڑنے میں کافی رکاوٹوں کا سامنا کرنا پڑا- میجسٹک کے آر مارکیٹ شیواجی نگر، شیوانندا سرکل، بسونگڈی، چامراج پیٹ، میسور روڈ، ملیشورم، وجئے نگر، راجاجی نگر، ایچ ایس آر لے آؤٹ، مڈیوال، بومنہلی سمیت دیگر کئی اہم علاقوں میں بارش کی وجہ سے گاڑیوں کے مالکان کو کافی پریشانی اٹھانی پڑی- اوکل پورہ فلائی اوور، ونڈسر میاز، شیوانند سرکل، ریلوے انڈر پاس،کے آر سرکل، نائینڈہلی سمیت کئی علاقوں میں تھوڑی دیر کے لئے پانی جمع ہوچکا تھا- جس کی وجہ سے یہاں سے گزرنے والی گاڑیوں کو کافی پریشانی اٹھانی پڑی، بسونگڈی، بھارتی نرسنگ ہوم، آئی ٹی سی، رمکولے آؤٹ، ڈالرس کالونی، وجئے نگر، ڈبل روڈ، سانکی تالاب جنکشن، مہادیو پورہ، کے آر پورم، سمیت کئی علاقوں میں 25 سے زائد درخت اور بجلی کے کھمبے زمین بوس ہوگئے اور کئی ٹرانسفارمروں میں آگ لگنے کے واقعہ پیش آئے- 30 سے زائد مقامات پر بجلی کے کھمبے گر پڑے- وجئے نگر علاقے میں سب سے زیادہ درخت گر پڑے ہیں - درختوں کے گرنے سے کاروں اور دو پہیہ والی گاڑیوں کو کوئی نقصان پہنچاہے- بارش دوبارہ رات 9بجے سے 10بجے تک مسلسل پڑتی رہی- جس کی وجہ سے وجئے نگر ناگر بھاوی، بسویشورا نگر، نائینڈہلی، کورمنگل، کے آر مارکیٹ، راجاراجیشوری نگر، یشونت پور، ملیشورم، شیواجی نگر، میسور روڈ، سمیت مختلف علاقوں میں لوگوں کو کافی پریشانی اٹھانی پڑی- تیز ہواؤں کے ساتھ ہوئی بارش کی وجہ سے کئی بجلی کے کھمبے زمین بوس ہوجانے سے کئی علاقوں کے مکینوں کو تاریکی میں رات گزرنی پڑی- نجی ریڈیو چینل کی آرجے، شروتی کی کارپر درخت کے گرنے سے کار میں سوار ان کی ماں زخمی ہوگئیں - سیانکی تالاب کے سواشیونگر بسکام سرکل سگنل میں کھڑے رہنے پر تیز ہوا کی وجہ سے درخت کی ٹہنی شروتی کی کار پر جاگری، جس سے کار کا شیشہ ٹوٹ گیا اور کانس لگنے سے شروتی کی ماں زخمی ہوگئیں - موسم ماحولیات کے مطابق شہر میں مزید تین دن تک اسی طرح تیز ہواؤں کے ساتھ موسلادھاربارش ہونے کی اطلاع دی ہے-

ایک نظر اس پر بھی

کرناٹک کے 17 نااہل ایم ایل اے ایس کی عرضی، ایک جج نے خود کو سماعت سے کیا الگ، معاملہ سی جے آئی کے پاس بھیجا گیا،معاملے کی اگلی سماعت 23 ستمبر کو ہوگی

کرناٹک کے 17 نااہل ممبران اسمبلی کی عرضی پر سماعت سے سپریم کورٹ کے ایک جج نے خود کو الگ کر لیا۔جسٹس ایم ایم شانتناگودر نے خود کو الگ کر لیا۔اب معاملے کو سی جے آئی رنجن گوگوئی کے پاس بھیجا گیا ہے۔

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

سیلاب متاثرین سے وزیر اعظم کو کوئی ہمدردی نہیں منڈیا میں منعقدہ پرتیبھا پرسکار کے جلسہ سے سابق وزیر اعلیٰ سدارامیا کا خطاب

ملک کے وزیر اعظم کو سیلاب متاثرین سے کوئی ہمدردی نہیں ہے۔ پچھلے ایک سو سال سے کبھی نہ دیکھا گیا سیلاب ریاست میں آیا ہے اور ہزاروں افراد کی زندگی تباہ ہوچکی ہے۔