بنگلورو،31؍جولائی(ایس او نیوز)خواتین کے تحفظ کیلئے ریلوے ڈویژن پو لیس نے اپنے اہلکاروں کو13موٹر سائیکلیں فراہم کی ہیں۔ سنگولی رائنا سٹی ریلوے اسٹیشن احاطہ میں ریلوے ڈویژن کے اڈیشنل ڈرائرکٹر جنرل آف پو لیس(اے ڈی جی پی) بھاسکر راؤ نے موٹر سائیکلوں کو عملہ میں تقسیم کیا۔
اس موقع پر ریلوے پو لیس کی سپرنٹنڈنٹ آف پولیس سری گوری بھی حاضر رہیں۔بھاسکر راؤ نے بتا یا کہ نر بھیا فنڈکے تحت ان موٹر سائیکلوں کی خریداری کی گئی ہے۔انہوں نے بتا یا کہ ریلوے پو لیس حدود میں خواتین کے تحفظ کے لئے ریلوے پو لیس جوان ان موٹرسائیکلوں کا استعمال کریں گے۔ انہوں نے بتا یا کہ ریلوے اسٹیشنوں سے قریب گشت کر نے کے علاوہ خاتون مسافروں کو لوٹنے والوں کی فوری گرفتاری کے لئے انہیں استعمال میں لایا جائے گا۔