ایس ایس ایل سی،آئی ٹی آئی اور پی یوسی میں کامیاب طلبا کے لئےمحکمہ ریلوے میں 1000عہدے : خواہش مند توجہ دیں
بھٹکل :10؍ستمبر(ایس اؤ نیوز) محکمہ ریلوے کے چنئی میں واقع اِنٹیگرل کوچ میں خالی 1000عہدوں کے لئے ٹریڈ اپرنٹس تقرری کے لئے عرضیاں مطلوب ہیں۔ خواہش مند افراد آن لائن عرضیا ں بھرتی کرسکتے ہیں۔ کرناٹک، آندھرا پردیش، کیرلا ، تمل ناڈو ریاستوں کے طلبا عرضی دے سکتے ہیں۔ خیال رہے کہ متعلقہ عہدوں پر راست تقرر ہوگا۔
چنئی کے انٹیگرل کوچ میں فٹر، ٹرنر، الکٹریشین ، میکانسٹ ، پلمبر، پینٹر، کوپر ، اسٹینو اور معاون عہدوں کے لئے تقرری ہوگی۔ کل 1000عہدے ہیں۔
تعلیمی لیاقت:ایس ایس ایل سی کے ساتھ آئی ٹی آئی ، پی یو سی میں کامیاب ہونا لازمی ہے۔
عمر : سال 2020کے مطابق کم سے کم 15سال سے 24سال عمر کے درمیان ہونا چاہئے۔ ایس سی ، ایس ٹی امیدواروں کو پانچ سال ، دیگر پسماندہ طبقات کو 3سال اور اپاہجوں کو 10سال کی رعایت ہوگی۔
تقررکا طریقہ کار: ایس ایس ایل سی اور آئی ٹی آئی ، پی یوسی میں حاصل کئے گئے نمبرات کی بنیاد پر میرٹ لسٹ بنانے کے بعد راست تقرر کیا جائے گا۔
تربیتی مشاہیرہ : بھارت سرکار کے اصول و ضوابط کے مطابق تربیتی مشاہیرہ دیا جائے گا۔ ماہانہ 6000سے 7000روپئے مشاہیرہ دیا جائے گا۔
عرضی داخل کرنے کا طریقہ : خواہش مند طلبا اور افراد آن لائن کے ذریعے ہی عرضیاں بھرتی کرنی ہونگی۔ مصدقہ ویب سائٹ https://indainrailwayrecruitment.in پر لاگ آن کرتے ہوئے ضروری معلومات حاصل کرسکتےہیں۔ دیگر ذرائع یا طریقوں سے داخل کئے گئے عرضیوں کو منظوری نہیں دی جائے گی۔ عرضی داخل کرنے کے لئے 25ستمبر 2020 آخری تاریخ ہوگی۔ نوٹیفکشن کے لئے http://pbicf.in/app2020/notification.pdf لنک پر دیکھ سکتے ہیں۔