آئی پی ایل 2020: راہل تیوتیا اورریان پراگ کی بدولت راجستھان کی حیدرآباد پر جیت

Source: S.O. News Service | Published on 11th October 2020, 11:18 PM | اسپورٹس |

دبئی،11؍اکتوبر(ایس او نیوز؍ایجنسی) راہل تیوتیا کی 45 رنز کی ناقابل شکست طوفانی اننگز اور چھٹے وکٹ کے لئے ریان پراگ (ناٹ آؤٹ 42) کے ساتھ ان کی 85 رنز کی میچ وننگ ناقابل شکست شراکت کی مدد سے راجستھان رائلز نے اتوار کے روز سن رائزرس حیدرآباد کو پانچ وکٹوں سے شکست دے کر آئی پی ایل میں سات میچوں میں اپنی تیسری جیت حاصل کی۔

حیدرآباد نے منیش پانڈے کی شاندار نصف سنچری اننگز سے چار وکٹوں پر 158 رنز کا مشکل اسکور بنایا تھا لیکن تیوتیا کے اس تیز دھماکے سے راجستھان نے 19.5 اوور میں پانچ وکٹ پر 163 رنز بنا کر حریف ٹیم کو شکست دیدی۔ سات میچوں میں یہ راجستھان کی تیسری جیت ہے اور اس کے چھ پوائنٹ ہیں جبکہ حیدرآباد کو سات میچوں میں چوتھی شکست کا سامنا کرنا پڑا۔

تیوتیا نے 28 گیندوں پر چار چوکوں اور دو چھکوں کی مدد سے 45 رنز کی ناقابل شکست میچ وننگ اننگ کھیلی۔ انہوں نے پراگ کی اچھی طرح سے حمایت کی، جنھوں نے 26 گیندوں میں ناقابل شکست 42 رنز میں دو چوکے اور دو چھکے لگائے۔ حیدرآباد کے ہاتھوں سے فتح چھیننے کے لئے دونوں نے چھٹی وکٹ کے لئے ناقابل شکست 85 رنز جوڑے۔ راجستھان نے 78 رنز دے کر پانچ وکٹیں گنوا دی تھیں لیکن تیوتیا اور پراگ نے راجستھان کی جیت کو یقینی بنایا اور راجستھان کو فتح دلائی۔

ہدف کے تعاقب میں راجستھان کی ٹیم ڈگمگائی اور اس کے ٹاپ آرڈر کے بلے باز ایک کے بعد ایک پویلین لوٹتے رہے۔ بین اسٹوکس نے اپنا پہلا میچ اس آئی پی ایل میں کھیلا، جس میں وہ خلیل احمد کی گیند پر صرف پانچ رنز بنا کر آؤٹ ہوگئے۔ کپتان اسٹیون اسمتھ پانچ رنز بنا کر رن آؤٹ ہوئے۔

جوز بٹلر 16 رنز بنا کر خلیل کا دوسرا شکار بنے۔ رابن اتھپا نے 18 رنز بنائے۔ انہیں خطرناک لیگ اسپنر راشد خان نے ایل بی ڈبلیو کیا۔ راشد نے سنجو سیمسن کو بھی پویلین بھیجا۔ سیمسن نے 25 گیندوں پر 26 رنز میں تین چوکے لگائے۔ راجستھان کی پانچویں وکٹ 12 ویں اوور کی آخری گیند پر 78 کے اسکور پر گری۔ اس وقت راجستھان کی حالت بہت خراب نظر آرہی تھی لیکن تیوتیا اور پراگ کے درمیان شراکت نے میچ کا نقشہ بدل دیا۔

تیوتیا نے خطرناک راشد کے 18 ویں اوور میں لگاتار تین چوکے لگاکر حیدرآباد کے کپتان ڈیوڈ وارنر کو ہکا بکا کردیا۔ تیوتیا نے اگلے ہی اوور میں ٹی نٹراجن کے اوور میں لگاتار چوکوں اور چھکوں کی مدد سے راجستھان کو جیت کی منزل کے قریب پہنچادیا۔ جیسے ہی آخری اوور کی پانچویں گیند پر پراگ نے چھکا مارا، راجستھان کا پورا کیمپ خوشی سے اچھل پڑا۔ ٹیم نے ایک ناقابل یقین فتح حاصل کرلی۔

اس سے قبل حیدرآباد کے کپتان ڈیوڈ وارنر نے ٹاس جیت کر پہلے بیٹنگ کا فیصلہ کیا۔ وارنر نے 38 گیندوں میں تین چوکوں اور دو چھکوں کی مدد سے 48 رنز بنائے۔ ٹیم کے 23 رنز کے اسکور پر جانی بیرسٹو 16 رنز بناکر آؤٹ ہوئے وارنر اور پانڈے نے تیسری وکٹ کے لئے 73 رنز کا اضافہ کیا۔

وارنر کو بولر جوفرا آرچر نے بولڈ کیا۔ اس سے قبل بیرسٹو کی وکٹ کارتک تیاگی نے لی تھی۔ نصف سنچری مکمل کرنے کے بعد پانڈے تیسرے بلے باز کی حیثیت سے 122 کے اسکور پر آؤٹ ہوئے۔ بائیں ہاتھ کے فاسٹ بالر جے دیو انادکت نے پانڈے کی وکٹ حاصل کی۔ پانڈے نے 44 گیندوں پر 54 رنز میں دو چوکے اور تین چھکے لگائے۔

کین ولیمسن اور پریم گرگ نے چوتھی وکٹ کے لئے 36 رنز کی شراکت کی۔ ولیم سن 12 گیندوں پر دو چھکوں کی مدد سے 22 رنز بنا کر ناٹ آؤٹ رہے جبکہ آخری گیند پر گرگ رن آؤٹ ہوئے۔ گرگ نے آٹھ گیندوں پر 15 رنز میں ایک چوکا اور ایک چھکا لگایا۔ راجستھان کے لئے آرچر نے 25 رن دے کر ایک وکٹ حاصل کی، تیاگی نے 29 رن پر ایک وکٹ حاصل کی اور انادکت نے 31 رنز دے کر ایک وکٹ حاصل کی۔

حیدرآباد نے وجے شنکر کو عبد الصمد کی جگہ اس میچ کے لئے ٹیم میں شامل کیا جبکہ بین اسٹوکس راجستھان کے لئے اس سیزن کا پہلا میچ کھیلے۔ اسٹوکس نے اننگز میں ایک اوور کیا۔ راجستھان نے ریان پراگ اور رابن اتھپا کو بھی اس میچ کے لئے پلیئنگ الیون میں شامل کیا۔ پراگ نے اپنے انتخاب کو اپنی کارکردگی سے درست ثابت کیا۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...