راہل گاندھی کو جلد سے جلد پارٹی صدر کی ذمہ داری قبول کرنی چاہیے:بھوپیش بگھیل

Source: S.O. News Service | Published on 7th December 2019, 11:05 PM | ملکی خبریں |

رائے پور7دسمبر(ایس او نیوز/آئی این ایس انڈیا) لوک سبھا انتخابات کے خراب نتائج کے بعد، راہل گاندھی کے جولائی میں کانگریس کے صدر کے عہدے سے مستعفی ہونے کے امکانات میں مسلسل اضافہ ہوتا جارہا ہے۔ کانگریس کے جنرل سکریٹری کے سی وینوگوپال کے بعد، اب چھتیس گڑھ کے وزیراعلیٰ بھوپش بگھیل نے بھی راہل گاندھی کو دوبارہ صدر بننے کی وکالت کی ہے۔بگھیل نے کہا ہے کہ راہل گاندھی کو کانگریس کاقومی صدر بننا ہوگا کیونکہ پارٹی کے سارے کارکن ان کے ساتھ ہیں۔ وہ قومی معاملات پر کھل کر بات کرتے ہیں۔ بگھیل نے کہا کہ گاندھی کو جلد ہی پارٹی صدر کے عہدے کی ذمہ داری لینی چاہیے۔اس سے قبل کانگریس کے جنرل سکریٹری کے کے سی وینوگوپال نے کہاتھاہے کہ ملک ایک نازک مرحلے سے گزر رہا ہے۔ پارٹی کو راہل گاندھی کی قیادت کی ضرورت ہے اورپارٹی کارکنوں نے ان کی واپسی کے لیے مطالبات اٹھائے ہیں۔ ہمیں امید ہے کہ وہ ان کی بات مانیں گے۔ آپ کوبتادیں کہ 2007 میں راہل کو کانگریس پارٹی کا جنرل سکریٹری بنایا گیا تھا۔ اس کے بعد انہیں 2013 کے جے پور اجلاس میں نائب صدر بنانے کا مطالبہ اٹھا۔ پارٹی کارکنوں کے مطالبات کے بعد راہل گاندھی کو بطور کانگریس صدر منتخب کیا گیا تھا،لیکن انہوں نے مئی میں ہی 2019 کے عام انتخابات میں اپنی قیادت میں پارٹی کی ذمہ داری لیتے ہوئے استعفیٰ دے دیاتھا۔

ایک نظر اس پر بھی

باپ کی املاک پر بیٹی کا بیٹے کی طرح یکساں حق: سپریم کورٹ

سپریم کورٹ نے منگل کو ایک دور رس نتائج والے اپنے فیصلہ میں کہا ہے کہ ہندو غیر منقسم خاندان کی آبائی املاک میں بیٹی کو بیٹے کی طرح ہی حقوق حاصل ہوں گے، یہاں تک کہ اگر ہندو جانشینی (ترمیمی) ایکٹ 2005 کے نفاذ سے قبل ہی اس کے والد کی موت کیوں نہ ہوگئی ہو۔

راجستھان میں سیاسی صلح، بی جے پی کے منھ پر زور کا طمانچہ: کانگریس

کانگریس نے راجستھان یونٹ میں کئی دنوں سے جاری تنازعہ کے سلجھنے پر ریاست کے عوام کو مبارکباد دیتے ہوئے اسے پارٹی اعلیٰ کمان کے ’سب کو ساتھ لے کر چلنے‘ کی پالیسی کا نتیجہ بتایا کہ اور کہا کہ یہی بھارتیہ جنتا پارٹی (بی جے پی) کو کرارا جواب ہے۔

یو جی سی امتحانات معاملے میں سماعت جمعہ تک ملتوی

سپریم کورٹ نے پیر کے روز حکومت سے یہ جاننے کی کوشش کی کہ کیا اسٹیٹ ڈیزاسٹر مینجمنٹ ایکٹ یونیورسٹی گرانٹس کمیشن (یو جی سی) کی ہدایت کو متاثر کر سکتا ہے؟ ۔ اس کے ساتھ ہی عدالت نے معاملے کی سماعت 14 اگست تک ملتوی کردی ۔