بہار بی جے پی کے ذریعہ 'مفت کورونا ویکسین' کے وعدہ پر راہل گاندھی نے کیا طنز

Source: S.O. News Service | Published on 22nd October 2020, 9:06 PM | ملکی خبریں |

پٹنہ،22؍اکتوبر(ایس او نیوز؍ایجنسی) بہار میں اسمبلی انتخاب کی تاریخ بہت قریب آ گئی ہے اور سبھی پارٹیاں ووٹروں کو لبھانے میں لگی ہوئی ہیں۔ اس درمیان بہار بی جے پی نے مفت کورونا ویکسین تقسیم کیے جانے کی بات کہی ہے جس پر کانگریس لیڈر راہل گاندھی نے مودی حکومت کو طنز کا نشانہ بنایا ہے۔ انھوں نے ایک ٹوئٹ کیا ہے جس میں لکھا ہے "حکومت ہند نے کووڈ ویکسین تقسیم کرنے کا اعلان کر دیا ہے۔ یہ جاننے کے لیے کہ ویکسین اور جھوٹے وعدے آپ کو کب ملیں گے، برائے کرم اپنی ریاست کے الیکشن کی تاریخ دیکھیں۔"

دراصل مرکزی وزیر مالیات نرملا سیتارمن نے بہار اسمبلی انتخاب کے لیے آج بی جے پی کا انتخابی منشور 'آتم نربھر بہار کا روڈ میپ 25-2020' کے نام سے جاری کیا۔ اس دوران بی جے پی جنرل سکریٹری بھوپیندر یادو، مرکزی وزیر اشونی چوبے، نتیانند رائے، بی جے پی کے ریاستی صدر سنجے جیسوال سمیت کئی سینئر لیڈر موجود تھے۔ اس موقع پر سیتارمن نے کہا کہ "جب تک کورونا وائرس کا ٹیکہ نہیں آتا ہے، تب تک ماسک ہی ٹیکہ ہے، لیکن جیسے ہی ٹیکہ آئے گا تو ہندوستان میں اس کا پروڈکشن بڑے پیمانے پر کیا جائے گا۔" ساتھ ہی انھوں نے کہا کہ "ہمارا عزم ہے کہ جب ٹیکہ تیار ہو جائے گا تب ہر بہاری باشندہ کو کورونا وائرس کا ٹیکہ مفت دستیاب کرایا جائے گا۔"

سیتارمن کے اس بیان پر کافی ہنگامہ بھی پیدا ہوا ہے اور اپوزیشن پارٹیوں کے لیڈران اسے الیکشن میں فائدہ اٹھانے کی کوشش قرار دے رہے ہیں۔ ہنگامہ بڑھنے کے بعد بہار بی جے پی انچارج بھوپیندر یادو نے صفائی دیتے ہوئے کہا کہ "نرملا سیتارمن کے بیان کو توڑ مروڑ کر پیش کیا جا رہا ہے۔ معمولی لاگت پر سبھی ہندوستانیوں کو (کووڈ) ٹیکہ دستیاب کرائے جائیں گے۔ ریاست اسے مفت کر سکتے ہیں، بہار میں ہم کریں گے۔"

ایک نظر اس پر بھی

جھارکھنڈ میں بھی لو َ جہاد کا عفریت بیدار: بھاجپا کے ایم پی نے وزیراعلی ہیمنت کو خط لکھ کر کاروائی کا کیامطالبہ

مدھیہ پردیش، اتر پردیش کے بعد اب جھارکھنڈ میں بھی نام نہا د لو َجہاد کیخلاف قانون بنانے کا مطالبہ شروع ہوگیا ہے۔ اس سلسلے میں رانچی کے رکن پارلیمنٹ سنجے سیٹھ نے سی ایم ہیمنت سورین کو ایک خط لکھا ہے۔

ڈپٹی سی ایم تارکشور نے کہا: بہار میں لوگوں کو ملے گی مفت کورونا ویکسین وزیر اعظم مودی کا وعدہ ضرور کریں گے پورا

ملک کی دارالحکومت دہلی سمیت دیگر ریاستوں میں کورونا کیسز میں مسلسل اضافہ ہورہا ہے۔ ایسی صورتحال میں مرکز کے ساتھ ساتھ ریاستی حکومت اس کوقابو کرنے کے لئے ضروری اقدامات کررہی ہیں۔