نئی دہلی ،24؍جنوری (ایس او نیوز؍ایجنسی) کانگریس کے سابق صدر راہل گاندھی انتخابی مہم شروع کرنے کے لیے کوئمبٹور پہنچ گئے ہیں۔ مئی میں تمل ناڈو میں اسمبلی انتخابات ہونے ہیں ۔ تین روزہ دورے پر تمل ناڈو آئے کانگریس رہنما راہل گاندھی نے وزیر اعظم نریندر مودی کو نشانہ بنایا۔
ساتھ ہی ایم ایس ایم ای سیکٹر کے نمائندوں سے خطاب کرتے ہوئے کہا کہ یو پی اے حکومت کا یہ عہد ہے کہ جب ہم اقتدار میں آئیں گے تو ہم جی ایس ٹی کی تشکیل نو کریں گے۔اس سے قبل راہل گاندھی نے کہا کہ وزیر اعظم مودی کو تامل ناڈو کی ثقافت ، زبان اور لوگوں کا کوئی احترام نہیں ہے۔ ان کا خیال ہے کہ تامل عوام ، زبان اور ثقافت کو ان کے نظریات اور ثقافت کے تابع ہونا چاہئے۔
کانگریس کے رہنما راہل گاندھی نے کہا کہ ان کا نیا ہندوستان پر یقین ہے کہ تامل ناڈو کے عوام کو ملک میں دوسرے درجے کا شہری ہونا چاہئے۔ اس ملک میں بہت سی زبانیں ہیں ، ہمیں لگتا ہے کہ اس ملک میں تمل ، ہندی ، بنگالی ، انگریزی سبھی زبانوں کا ایک مقام ہے ، راہل گاندھی تین دن تک مغربی تمل ناڈو میں انتخابی مہم کریں گے۔ اس دوران وہ 5 اضلاع میں انتخابی مہم شروع کریںگے جن میں تروپور ، ایروڈ اور کرور شامل ہیں۔ ان اضلاع میں حکمراں جماعت اے این اے ڈی ایم کے کا بہت بول بالا سمجھا جاتا ہے۔
ریاست کے دو تجربہ کار رہنماجے للتا اور کرونانیدھی کی موت کے بعد ریاست میں یہ پہلا اسمبلی انتخابات ہے۔ 2019 کے لوک سبھا انتخابات میں ڈی ایم کے اور کانگریس اتحاد نے 39 میں سے 38 نشستوں پر کامیابی حاصل کی۔