سماج میں ہم آہنگی برقرار رکھنے بھارت جوڑو یاترا کا اہتمام:ڈاکٹر پرمیشور
ٹمکورو، 8؍ اکتوبر (ایس او نیوز) سابق ریاستی نائب وزیر اعلیٰ ڈاکٹر جی پرمیشور نے کہا کہ سماج میں ہم آہنگی برقرار رکھنے اور امن کی خاطر بھارت جوڑو پدیاترا نکالی گئی ہے۔
یہاں ایک اخباری کانفرنس سے خطاب کرتے ہوئے ڈاکٹر پرمیشور نے اس خیال کا اظہار کیا اور کہا کہ بھارت جوڑو یاترا کا عوام میں زبردست رد عمل ظاہر ہوا ہے اور عوام سماج میں ہم آہنگی برقرار رکھنے راہل گاندھی کے شانہ بہ شانہ چل رہے ہیں۔ بھارت جوڑو پدیاترا ٹمکور ضلع میں 8 اکتوبر بروز ہفتہ داخل ہوگی جو ٹی بی کراس سے شروع ہوکر بان سندرا اور اتوار کے دن کے بی کراس تا برکنال چلے گی اور پیر کے دن ہلیار کے ذریعہ ہریور تعلقہ میں داخل ہوگی۔یاترا کے دوران راہل گاندھی تروے کیرے تعلقہ کے ارلی کیرے پالیہ میں ناریل اور سپاری کے کاشتکاروں کے ساتھ تبادلہئ خیال کریں گے،اس کے علاوہ ٹپٹور تعلقہ کے کاڑے نہلی گیٹ کے قریب آنگن واڑی اور آشا کارکنوں، بیڑی مزدوروں ہکی پکی، لمانی طبقات کے ساتھ بات چیت کریں گے۔ 9اکتوبر کو راہل گاندھی چکنائکناہلی میں والمیکی جینتی تقریب میں حصہ لیں گے۔
اخباری کانفرنس میں رام کرشنا، سابق رکن اسمبلی ڈاکٹر رفیق احمد، کیشوامورتی، اقبال احمد، ہوناگری گوڈا ودیگر حاضر رہے۔