دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

Source: S.O. News Service | By I.G. Bhatkali | Published on 12th January 2019, 9:20 PM | ملکی خبریں | خلیجی خبریں |

دوبئی۔11جنوری (یو این آئی) کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا کہ ہم آپ سے بات چیت کرنا چاہتے ہیں ۔ میں یہاں اپنے ’’من کی بات‘‘ کرنے نہیں آیا ہوں میں آپ کے من کی بات سننے آیا ہوں۔

راہل گاندھی متحدہ عرب امارات کے دو روزہ دورہ پر آئے ہوئے ہیں۔ ان کے ساتھ کانگریس کے سینئر لیڈر سیم پترودی بھی ہیں۔راہل گاندھی نے وہاں موجود ہندوستانی لوگوں سے کہا کہ ہر مذہب، ہر ریاست، ہر ذات کا نام آپ نے روشن کیا ہے ۔ انہوں نے کہاکہ کسی نے یہاں کہا کہ بڑآدمی ہم سے ملاقات کرنے آیا ہے ۔ کوئی بڑا آدمی نہیں ہوتا میں بالکل آپ جیسا ہوں۔راہل گاندھی نے کہاکہ میں آپ سے کہنا چاہتا ہوں کہ ہم آپ کے ساتھ کھڑے ہوئے ہیں۔ جو بھی آپ کو چاہئے ، جو بھی آپ کی مشکلات ہیں، جہاں بھی ہم آپ کی مدد کرسکتے ہیں، ہم آپ کی مدد کرنے کے لئے تیار ہیں۔ہندوستانیوں کے اجتماع سے خطاب کرتے ہوئے کانگریس کے صدر نے کہاکہ آپ نے ہندوستان کی ریاستوں اور غریب عوام کی مدد کی اور آپ نے یہ شہر، جو پوری دنیا میں عظیم ہے ، دوبئی کو بنانے کا کام کیا ۔ میں آپ کا دل سے شکریہ ادا کرنا چاہتا ہوں۔متحدہ عرب امارات اور خاص طورپر دوبئی کی ترقی میں ہندوستانی لوگوں کے تعاون کی تعریف کرتے ہوئے انہوں نے کہاکہ آپ نے اپنا خون، پسینہ اور وقت اس ملک کو بنانے کے لئے دیا اور آپ نے ہندوستان کے عوام کا نام روشن کیا ہے ۔خیال رہے کہ آندھراپردیش اسمبلی انتخابات اسی برس ہونے ہیں۔ اس وقت ریاست میں مسٹر این چندربابو نائیڈو کی سربراہی والی تیلگو دیشم پارٹی کی حکومت ہے ۔ تیلگو دیشم مرکز کی قومی جمہوری اتحاد (این ڈی اے ) میں شامل تھی لیکن آندھراپردیش کو خصوصی ریاست کا درجہ دینے کی مانگ پوری نہیں ہونے پر گزشتہ برس پارٹی این ڈی اے سے علاحدہ ہوگئی اور تلنگانہ میں حال ہی میں ہوئے اسمبلی انتخابات میں کانگریس کے ساتھ اتحاد کیا تھا۔

 

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔

مکہ مکرمہ: خانہ کعبہ کا غلاف ’کِسوہ‘ کیا گیا تبدیل

ہر سال کی طرح اس بار بھی 9 ذی الحجہ کے موقع پر خانہِ کعبہ کا غلاف ’کِسوہ‘ تبدیل کردیا گیا۔ حرمین شریفین کے امور کے سربراہِ عام شیخ عبدالرحمن السدیس کے زیر نگرانی میں جمعہ اور ہفتے کی درمیانی شب ہونے والے اس عمل میں 160 متعلقہ اہل کاروں نے حصہ لیا۔

تم زمین والوں پر رحم کرو، اللہ تم پر رحم فرمائے گا، خطبۂ حج میں امام کعبہ کا پیغام

مفتی اعظم و امام کعبہ نےمسجد نمرہ میں خطبہ حج کے دوران اس قول رسولؐ کو دہرایا کہ تم زمین والوں پر رحم کرو اللہ تم پر رحم فرمائے گا۔ بظاہر عالمی حالات کے پس منظر میں انہوں نے اللہ کی رحمت سے مایوس نہ ہونے پر زور دیتے ہوئے کہا کہ اللہ نے تمام مسلمانوں کو آپس میں ایک دوسرے کا بھائی ...

مناسک حج کا آغاز لبیک اللھم لبیک کے ورد کے ساتھ فرزندان توحید منیٰ میں خیمہ زن، وقوف عرفہ آج

”لبیک اللہم لبیک“ کے ورد کے ساتھ جمعہ کی علی الصباح سے مناسک حج کا آغاز ہوگیا-مناسکِ حج کے پہلے دن جمعہ کو لاکھوں کی تعداد میں عازمین مکہ مکرمہ سے 8 کلومیٹر دور مِنیٰ پہنچ چکے ہیں -

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...