راہل گاندھی نے قبول کیا ستیہ پال ملک کا چیلنج، عوام اور لیڈروں سے ملنے کی مانگی آزادی

Source: S.O. News Service | By Shahid Mukhtesar | Published on 13th August 2019, 10:10 PM | ملکی خبریں |

نئی دہلی، 13 اگست(ایس او نیوز/آئی این ایس انڈیا)کانگریس رکن پارلیمنٹ اور سابق پارٹی صدر راہل گاندھی نے جموں و کشمیر کے گورنر ستیہ پال ملک کے چیلنج کو قبول کر لیا ہے۔ راہل گاندھی نے ٹوئٹ کرتے ہوئے کہا ہے کہ اپوزیشن لیڈروں کا ایک گروپ اور میں جموں و کشمیر اور لداخ کا جائزہ لینے سے متعلق آپ کی دعوت کو قبول کرتے ہیں۔راہل گاندھی نے اپنے ٹوئٹ میں یہ بھی لکھا ہے کہ اس دورہ کے لیے ہمیں کسی خاص طیارے کی ضرورت نہیں ہے، بس آپ وادی میں ہمارے گھومنے اور عام لوگوں سے ملنے کی آزادی کو یقینی کر دیں۔ وہ مزید لکھتے ہیں کہ ''گورنر مین اسٹریم لیڈروں اور وہاں تعینات جوانوں سے ہماری ملاقات کو یقینی بنائیں۔

اس سے قبل راہل گاندھی نے وادی میں تشدد کی خبریں آنے کی باتیں کہی تھی۔ انھوں نے میڈیا کے حوالے سے خبروں کا تذکرہ کرتے ہوئے کہا تھا کہ کچھ جگہوں پر تشدد کی خبریں ہیں۔ انھوں نے یہ بھی کہا تھا کہ اس سلسلے میں پی ایم مودی کو شفاف طریقے سے اس معاملے پر اظہار خیال کرنا چاہیے۔ راہل گاندھی کے اسی بیان پر جموں و کشمیر کے گورنر ستیہ پال ملک نے کہا تھا کہ وہ کانگریس کے سابق صدر کو وادی کا دورہ کرانے اور زمینی حالات کا جائزہ لینے کے لیے طیارہ بھیجیں گے۔
 

ایک نظر اس پر بھی

کشمیر: غیر یقینی صورتحال کے 110 دن، سری نگر کی جامع مسجد 16 ویں جمعے کو بھی مقفل

 وادی کشمیر میں 110 دنوں سے جاری غیر اعلانیہ ہڑتال اور غیر یقینی صورتحال کے بیچ جمعہ کے روز جہاں وادی میں کہیں مکمل تو کہیں جزوی ہڑتال سے معمولات زندگی متاثر رہے وہیں نوہٹہ میں قائم وادی کی سب سے قدیم معبد جامع مسجد بھی مسلسل 16 ویں جمعے کو بھی مقفل رہی۔

ادھو ٹھاکرے کے سرسجے گا مہاراشٹر کا تاج، وزیر اعلیٰ بنائے جانے پر رضامند ،جانئے کب ہوگا اعلان

مہاراشٹر میں نئی حکومت کے قیام کا راستہ صاف ہو گیا ہے۔ ممبئی میں جمعہ کو شیوسینا، کانگریس اور این سی پی کے رہنماو ¿ں نے حکومت تشکیل کو لے کر پہلی بار ایک ساتھ ملاقات کی اور ادھو ٹھاکرے کو وزیر اعلیٰ بنائے جانے پر رضامند ہوگئے۔ اس کی جانکاری این سی پی سربراہ شرد پوار نے دی۔