وزیرا عظم مودی کے جنم دن پر آر وی دیشپانڈے نے پیش کی مبارکباد۔دل کھول کر ستائش کرنے کے پیچھے کیا ہوسکتا ہے راز؟

Source: S.O. News Service | Published on 18th September 2019, 9:18 PM | ساحلی خبریں | ریاستی خبریں | ملکی خبریں | اسپیشل رپورٹس |

بھٹکل 18ستمبر (ایس او نیوز) یہ بات ثابت شدہ ہے کہ سیاست میں کوئی بھی مستقل دوست یا مستقل دشمن نہیں ہوتا۔ مگر نظریاتی اختلاف یا اتفاق کے بارے میں سمجھا جاتا ہے کہ وہ اگر مستقل نہ ہوتو کسی بھی شخصیت کا وقار مجروح ہوتا ہے۔

موجودہ دور کی سچائی یہ ہے کہ ملک کے بدلتے سیاسی حالات میں جس طرح ایک مخصوص فکر اور رجحان کو فوقیت حاصل ہوگئی ہے اور باقی تمام نظریات حاشیے پر چلے گئے ہیں، وہ جمہوری اقدار کی پوری طرح شکست و ریخت کی طرف اشارہ کررہی ہے۔ چند برسوں تک فسطائیت یا ہندوتوا کے کٹر ترین مخالف سمجھے جانی والی شخصیات بھی جب زعفرانی شال اور جھنڈے کے سایے کی طرف لپکنا شروع کرنے لگی ہوں تو پھر پہلے سے جن کا جھکاؤ اس جانب ہو ان کے بارے میں کیا کہا جاسکتا ہے۔

 دیشپانڈے کی سیاسی کروٹیں:    کچھ ایسی بات ہمارے ضلع کے نامور اورسینئر سیاست داں آر وی دیشپانڈے کے تعلق سے کہی جاسکتی ہے۔ انہوں نے اپنی سیاسی زندگی کا کچھ  حصہ جنتا دل اور بڑا حصہ کانگریس پارٹی کے ساتھ گزارا ہے۔ ابھی کچھ دن پہلے تک بھی وہ مخلوط حکومت میں کانگریس کی طرف سے بطور ریوینیو منسٹر وزارت میں شامل تھے۔ لیکن اکثر ان کے بارے میں سیاسی گلیاروں میں یہ خبریں  ہمیشہ سنائی دیتی رہی ہیں کہ دیشپانڈے صاحب کا اندرونی جھکاؤ زعفرانی پارٹی کی طرف ہے۔ مخلوط حکومت گرنے کا جو ڈرامہ چلا تھا اس میں بھی کچھ لوگ دیشپانڈے کی طرف سے بھی دَل بدلی کی توقع ظاہر کررہے تھے۔

 نریندرا مودی کی ستائش:    اب وزیراعظم نریندرا مودی کے 69ویں جنم دن پر دیشپانڈے نے نہ صرف مبارکباد پیش کی ہے بلکہ اپنے ٹویٹ میں مودی کی دل کھول کر تعریف کی ہے۔16ستمبر کو اپنے پہلے ٹویٹ میں انہوں نے کہا ہے:”میں انہیں (مودی کو) طویل عمر اور ان کی جو بھی خواہشات ہوں انہیں پوری کرنے کے لئے مزید توانائی کی دعا کرتا ہوں۔ بھگوان ان پر مہربان ہو۔“

پھراسی دن اپنے  دوسرے ٹویٹ میں انہوں نے کہا: ”معزز وزیراعظم نریندرا مودی جی کو ان کے 69ویں جنم دن پر دلی مبارکباد پیش کرتا ہوں۔ ان کی کرشماتی(دلکش) شخصیت اور توانائی قابل ستائش ہے۔ہندوستان کی شبیہ کو مستحکم کرنے کے لئے ان کی خدمات کا شکریہ۔عالمی لیڈران (مودی کی  وجہ سے) بین الاقوامی تجارت اور سیاست میں ہندوستان کی اہمیت کا لوہا مان رہے ہیں۔“

تعریف کے ساتھ تصویر بھی!:    خاص بات یہ بھی ہے کہ آر وی دیشپانڈے نے اپنے ٹویٹر ہینڈل سے مودی کی ستائش کرنے کے علاوہ وزیر اعظم کے ساتھ ایک پروگرام میں کھینچی گئی اپنی ایک تصویر بھی پوسٹ کی ہے۔جبکہ ریاست کے کسی بھی کانگریسی لیڈر نے وزیراعظم مودی کو جنم دن کی مبارکبا د کسی بھی پلیٹ فارم سے نہیں دی ہے۔ ایسے میں صرف دیشپانڈے کی جانب سے کیے گئے اس اقدام سے جو اشارہ  ملا ہے اسے سمجھنا سیاسی سوجھ بوجھ رکھنے والوں کے لئے کوئی مشکل کام نہیں ہے۔

 کانگریسی لیڈران پریشان ہیں:     ریاستی کانگریس کے تمام اہم لیڈران اور کارکنان کانگریس کے ایک اہم ترین اور طاقت ور لیڈر ڈی کے شیوکمار کی اینفورسمنٹ ڈپارٹمنٹ کی طرف سے گرفتاری پر مودی اور امیت شاہ کے خلاف صف آراء ہوگئے ہیں۔ملکی سطح پر سابق وزیر داخلہ اور وزیر مالیات پی چدمبرم کی گرفتاری سے بھی کانگریس میں ہلچل مچی ہوئی ہے۔ایسے میں دیشپانڈے کی طرف سے مودی کو یہ کہنا کہ آپ کی تمنائیں او رخواب پورے ہوں (یعنی کانگریس مکت بھارت کاخواب!) اور آپ کی دلکش شخصیت قابل ستائش ہے،یقینی طور پر کانگریسی حلقوں کے لئے یہ حیرت انگیز بات ہوگی۔

دیشپانڈے  کا سوچا سمجھا اقدام:     کانگریسی ذرائع کا کہنا ہے کہ چالیس برس سے سیاسی میدان میں رہنے والے دیشپانڈے کو بخوبی علم ہے کہ انہیں کیا کرنا چاہیے اور کیا نہیں کرنا چاہیے۔ سونیا گاندھی سے لے کر کسی گرام پنچایت سطح کے کانگریسی لیڈر کو بھی معلوم ہے کہ نریندرامودی اور بی جے پی کا مشن کیا ہے اور کانگریس کے تعلق سے ان کا خواب کیا ہے۔ ریاستی کانگریس کے اہم لیڈران جیسے دنیش گنڈو راؤ، سدارامیا وغیرہ مودی کا نام لیتے ہوئے صیغہ واحد کا استعمال کرتے ہیں۔ لیکن دیشپانڈے کے بارے میں خود کانگریسیوں کا احساس ہے کہ وہ ہمیشہ بڑی عیارانہ سیاست کرتے آئے ہیں۔اقتدار میں رہتے ہوئے بھی انہوں نے کبھی بھی مودی اور امیت شاہ کے خلاف کوئی لفظ نہیں بولا   اورکبھی ان پر تنقید نہیں کی۔اس بارے میں جب کبھی سوال کیا گیاتو انہوں نے یہی جواب دیا کہ کسی پر تنقید کرنا میر ے مزاج میں نہیں ہے۔ 

کیا آئی ایم اے کا خوف ہے؟:    سیاسی تجزیہ نگاروں کا احساس ہے کہ دو تین دن پہلے ہی ای ڈی ذرائع کے حوالے سے آئی ایم اے فریب کاری معاملے میں کلیدی ملزم منصور علی خان کی طرف یہ بات منسوب کی گئی تھی کہ آر وی دیشپانڈے نے اس سے پانچ کروڑ روپے رشوت حاصل کی تھی۔میڈیا میں اس خبر کے عام ہوتے ہی دیشپانڈے نے اس سے انکار تو کردیا ہے، لیکن جیسے دیگر سیاستدانوں کو اس معاملے میں تحقیقات کے لئے ای ڈی نے طلب کیا تھا اسی طرح دیشپانڈے کو بھی ای ڈی کا بلاوا کسی بھی وقت ملنے کے قوی امکانات پیدا ہوگئے ہیں۔اور اسی خوف کی وجہ سے دیشپانڈے نے علی الاعلان بی جے پی لیڈروں کے گن گانے شروع کیے ہیں۔ اب اس میں کتنی سچائی ہے یہ بات آنے والے دنوں میں پتہ چلے گی۔

دیشپانڈے کا مسئلہ کیا ہے!:    کچھ کانگریسی ذرائع کا یہ بھی کہنا ہے کہ دیشپانڈے کو اس بات کا بہت پہلے سے ہی احساس ہے کہ کانگریس پارٹی میں اب ان کو زیادہ اہمیت نہیں دی جارہی ہے اور کنارے کرنے کی کوشش جاری ہے۔ دوسری طرف ان کا اب سب سے بڑا مشن اپنے بیٹے پرشانت دیشپانڈے کو سیاسی طور پر ابھارنا اور مستحکم زمین فراہم کرنا ہے۔ لیکن کانگریس میں رہتے ہوئے ان دونوں پہلوؤں سے انہیں کامیابی ملتی نظر نہیں آرہی ہے۔ اس پس منظر میں ان کے دہلی جاکر مودی اورامیت شاہ سے ملاقات کرنے کی جو خبر عام ہوئی ہے، وہ بڑی اہمیت رکھتی ہے۔اس کے بعد مودی کو جنم دن کی مبارکباد اور کھلی ستائش کا مطلب کیا ہوسکتا ہے اس کا اندازہ لگانے کے لئے کسی کواپنے دماغ پر بہت زیادہ زور دینے کی ضرورت نہیں ہے۔لگتا ہے کہ سیاسی ڈرامے کا پورا منظر تیار ہے، بس پردہ اٹھنے کی دیر ہے۔اور شاید اس میں زیادہ وقت نہیں لگے گا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

نئی زندگی چاہتا ہے بھٹکل کا صدیوں پرانا 'جمبور مٹھ تالاب'

بھٹکل کے اسار کیری، سونارکیری، بندر روڈ، ڈارنٹا سمیت کئی دیگر علاقوں کے لئے قدیم زمانے سے پینے اور استعمال کے صاف ستھرے پانی کا ایک اہم ذریعہ رہنے والے 'جمبور مٹھ تالاب' میں کچرے اور مٹی کے ڈھیر کی وجہ سے پانی کی مقدار بالکل کم ہوتی جا رہی ہے اور افسران کی بے توجہی کی وجہ سے پانی ...

بڑھتی نفرت کم ہوتی جمہوریت  ........ ڈاکٹر مظفر حسین غزالی

ملک میں عام انتخابات کی تاریخوں کا اعلان ہونے والا ہے ۔ انتخابی کمیشن الیکشن کی تاریخوں کے اعلان سے قبل تیاریوں میں مصروف ہے ۔ ملک میں کتنے ووٹرز ہیں، پچھلی بار سے اس بار کتنے نئے ووٹرز شامل ہوئے، نوجوان ووٹرز کی تعداد کتنی ہے، ایسے تمام اعداد و شمار آرہے ہیں ۔ سیاسی جماعتیں ...

مالی فراڈ کا نیا گھوٹالہ : "پِگ بُوچرنگ" - گزشتہ ایک سال میں 66 فیصد ہندوستانی ہوئے فریب کاری کا شکار۔۔۔۔۔۔۔(ایک تحقیقاتی رپورٹ)

ایکسپوژر مینجمنٹ کمپنی 'ٹینیبل' نے ایک نئی رپورٹ جاری کی ہے جس میں یہ انکشاف کیا گیا ہے کہ پچھلے سال تقریباً دو تہائی (66 فیصد) ہندوستانی افراد آن لائن ڈیٹنگ یا رومانس اسکینڈل کا شکار ہوئے ہیں، جن میں سے 81 فیصد کو مالی نقصان کا سامنا کرنا پڑا ہے۔

مسلمان ہونا اب اس ملک میں گناہ ہے۔۔۔۔۔۔۔۔از: ظفر آغا

انہدام اب ایک ’فیشن‘ بنتا جا رہا ہے۔ یہ ہم نہیں کہہ رہے بلکہ یہ مدھیہ پردیش ہائی کورٹ کا بیان ہے۔ بے شک مکان ہو یا دوکان ہو، ان کو بلڈوزر کے ذریعہ ڈھا دینا اب بی جے پی حکومت کے لیے ایک فیشن بن چکا ہے۔ لیکن عموماً اس فیشن کا نشانہ مسلم اقلیتی طبقہ ہی بنتا ہے۔ اس کی تازہ ترین مثال ...

کیا وزیرمنکال وئیدیا اندھوں کے شہر میں آئینے بیچ رہے ہیں ؟ بھٹکل کے مسلمان قابل ستائش ۔۔۔۔۔ (کراولی منجاو کی خصوصی رپورٹ)

ضلع نگراں کاروزیر منکال وئیدیا کا کہنا ہے کہ کاروار میں ہر سال منعقد ہونےو الے کراولی اتسوا میں دیری اس لئے ہورہی ہے کہ  وزیرا علیٰ کا وقت طئے نہیں ہورہاہے۔ جب کہ  ضلع نگراں کار وزیر اس سے پہلے بھی آئی آر بی شاہراہ کی جدوجہد کےلئے عوامی تعاون حاصل نہیں ہونے کا بہانہ بتاتے ہوئے ...

اترکنڑا میں جاری رہے گی منکال وئیدیا کی مٹھوں کی سیاست؛ ایک اور مندر کی تعمیر کے لئے قوت دیں گے وزیر۔۔۔(کراولی منجاؤ کی خصوصی رپورٹ)

ریاست کے مختلف علاقوں میں مٹھوں کی سیاست بڑے زورو شور سے ہوتی رہی ہے لیکن اترکنڑا ضلع اوراس کے ساحلی علاقے مٹھوں والی سیاست سے دورہی تھے لیکن اب محسوس ہورہاہے کہ مٹھ کی سیاست ضلع کے ساحلی علاقوں پر رفتار پکڑرہی ہے۔ یہاں خاص بات یہ ہےکہ مٹھوں کے رابطہ سے سیاست میں کامیابی کے ...