کسانوں کی ٹریکٹر ریلی پر سپریم کورٹ کا پھر مداخلت سے انکار؛کہا؛ یہ پولیس کے دائرہ اختیار کا معاملہ ہے

Source: S.O. News Service | Published on 20th January 2021, 8:48 PM | ملکی خبریں |

نئی دہلی،20/جنوری (آئی این ایس انڈیا) 26 جنوری کو ہونے والی کسانوں کی  ٹریکٹر ریلی سے متعلق دہلی پولیس کی درخواست پر سپریم کورٹ نے ایک بار پھر کہا  کہ دہلی پولیس کو ریلی سے متعلق فیصلہ لینے کا اختیار ہے۔ سولیسٹر جنرل  نے جب بحث کا آغاز کیا اور 25 جنوری کو کیس کی سماعت کرنے کو کہا تو  چیف جسٹس نے سولیسٹر جنرل کو بتایا کہ ہم پہلے ہی کہہ چکے ہیں کہ یہ معاملہ پولیس کا ہے۔ ہم اس معاملے میں کوئی حکم نہیں دیں گے۔ آپ بطور اتھارٹی آرڈر جاری کریں۔

سینئر ایڈوکیٹ پرشانت بھوشن نے کہا کہ وہ اپنی ٹریکٹر ریلی کے ساتھ یوم جمہوریہ منانے جارہے ہیں اور ماحول کو خراب نہیں کریں گے۔ چیف جسٹس نے کہا کہ براہ کرم دہلی کے شہریوں کو امن وشانتی کا یقین دلائیں۔ بطور عدالت ہم اپنی تشویش کا اظہار کر رہے ہیں۔بھوشن نے کہا کہ کسانوں نے کہا ہے کہ امن ہو گا۔

چیف جسٹس نے ٹریکٹر ریلی کے بارے میں کہا کہ بھوشن کو اپنے مؤکل سے بات کرنی چاہئے کہ ریلی پرامن کیسے ہوگی؟ سولیسٹر جنرل نے بتایا کہ کرنال کے کسانوں نے پنڈال توڑ دیا۔ نظم ونسق کو لے کر پریشانی ہوئی تھی۔ چیف جسٹس نے کہا کہ ہم اس پر اب کچھ نہیں کہنا چاہتے۔واضح رہے کہ کسان زرعی قوانین کے خلاف مستقل احتجاج کر رہے ہیں۔ اسی دوران 26 جنوری کو ٹریکٹر پریڈ کے بارے میں کسانوں اور پولیس کے مابین ایک میٹنگ ہوئی تھی۔

کسان رہنما درشن پال نے کہا کہ پولیس نے ہم سے راستے اور لوگوں کی تعداد کے بارے میں سوالات پوچھے۔ پولیس نے کہا ہے کہ آؤٹر رنگ روڈ پر پریڈ نکالنا پریشانی کا سبب بن سکتا ہے۔ ویسے دہلی پولیس نے پریڈ کی اجازت کے بارے میں ابھی تک کچھ نہیں کہا ہے۔ ہمارا پریڈ نکالنا یقینی ہے۔

واضح رہے کہ کاشتکاروں نے 26 جنوری کو دہلی پولیس سے پریڈ کے لئے تحریری اجازت طلب نہیں کی ہے۔ کسان رہنما راکیش ٹکیت نے بھی واضح طور پر کہا تھا کہ جب تک حکومت ہمارے مطالبات تسلیم نہیں کرتی اس وقت تک یہ تحریک جاری رہے گی۔ انہوں نے یوم جمہوریہ کے بارے میں بھی کہا تھا کہ اس بار یہ تاریخی ہوگا۔ ایک طرف جوان پریڈ کریں گے اور دوسری طرف کسان احتجاج کریں گے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...