اترکینرا کے رکن پارلیمان اننت کمار ہیگڈے کی کارکردگی پر سوالیہ نشان : ایم پی فنڈ ریٹنگ میں  صفر فی صد کام : حلقہ کے عوام مایوس

Source: S.O. News Service | Published on 13th January 2021, 1:32 AM | ساحلی خبریں |

کاروار:12؍جنوری (ایس اؤ نیوز) پارلیمنٹری بزنس نامی ادارے نے ملک کے ارکان پارلیمان کی کارگزاری کا مطالعہ ، جائزہ لینے کے بعد پیش کی گئی رپورٹ میں اترکینرا کے رکن پارلیمان اننت کمار ہیگڈے کی کارکردگی کو معمول سے بھی نیچے قرار دیا ہے۔

ملک کے سبھی 539ارکان پارلیمان کی کارگزاری اور کارناموں کا مطالعہ کرنے کے بعد ادارے نے اترکینرا کے ایم پی اننت کمار ہیگڈے کو 539میں سے 409ویں مقام پر رکھا ہے۔ ادارے سے ملی جانکاری کے مطابق ادارہ ایک ایم پی کی کارگزاری اور کارناموں کا جائزہ کچھ اس طرح لیتاہے کہ وہ پارلیمنٹ اجلا س میں کتنے دن حاضر ہوئے، لوک سبھا میں کتنے سوالات کئے، کتنے مباحث میں شریک ہوئے، اپنی طرف سے کتنے پرائیویٹ بل پیش کئے اور ایم پی فنڈ (پارلیمانی حلقہ کی ترقی کے لئے استعمال کیاگیا فنڈ) کا کس طرح استعمال کیا۔ ان سب کا بغور جائزہ لینے کے بعد نتائج نکالے جاتے ہیں۔ ادارے نے اسی اتوار کو اپنے نتائج کا اعلان کیا ہے۔

ریٹنگ میں ایم پی اننت کمار ہیگڈے نے 15.79فی صد ریٹنگ حاصل کی ہے اور 409ویں مقام پرہیں۔ پارلیمنٹری بزنس ادارہ کہتاہے کہ ایم پی ہیگڈے کی لوک سبھا کی کارکردگی کی شرح 19.74فی صد ہے۔ اس زمرے میں وہ 377ویں مقام پرہیں۔ اترکینرا پارلیمانی حلقہ میں اپنے ایم پی فنڈ کے استعمال کو لے کر ادارے نے انہیں صفر ریٹنگ دی ہے۔ البتہ پارلیمنٹ کےاجلاس میں حاضری میں ان کی کارکردگی اچھی رہی ہے۔ پچھلے دوبرسوں میں 90دنوں کے لوک سبھا اجلاس میں انہوں نے 67دن حاضر رہےہیں۔ پہلے سال 80دنوں کے اجلاس میں 67دن حاضر رہے ہیں تو دوسرے سال کے 10دنوں کے اجلاس میں کسی دن بھی حاضری نہیں رہی ہے۔ بتایا گیا ہےکہ کورونا پازیٹیو آنے سے وہ اجلاس میں شریک نہیں ہوسکے۔

لوک سبھا کے اجلاس میں سوالات پوچھنے کے معاملے میں بھی ان کی کارکردگی اچھی نہیں رہی ہے۔ یہاں ان کا رینکنگ 4.53 فی صد ہے۔ صرف 17سوالات پوچھ کر 139ویں مقام پر ہیں۔ گذشتہ دو برسوں کے لوک سبھا اجلاس کے کسی بھی مباحثے میں شریک ہوتے ہوئے نیا ریکارڈ بنائےجانےکی بات ادارے نے لکھی ہے۔ خیال رہےکہ ان دو برسوں میں لوک سبھا میں کل 318مباحث ہوئے جن میں سے ایک میں بھی اننت کمارہیگڈے نے حصہ نہیں لیا اس بناء پر یہاں ان کی رینکنگ بہت خراب ہے۔ لوک سبھا میں انہوں نے ایک بھی پرائیویٹ بل پیش نہیں کیا جب کہ ابھی تک 12پرائیویٹ بل پیش کئےجانےکی ادارے نے جانکاری دی ہے۔ جہاں تک پارلیمانی حلقہ کی ترقی کے لئے ایم پی فنڈ کے استعمال کا معاملہ ہے اننت کمار ہیگڈے کی کارکردگی صفر ہے۔ اس زمرے میں پیمانے کے طور پر صرف 5 پوائنٹ کی شرط رکھی گئی تھی جس میں وہ صفر ریٹنگ پر رہتے ہوئے اپنے حلقہ کے عوام کی مایوسی کا سبب بنے ہیں۔

کیا ہے پارلیمنٹری بزنس ڈاٹ کام ؟:پارلیمنٹری بزنس ڈاٹ کام ملک کے سبھی ارکان پارلیمان کی کارکردگی اورکارناموں کا مطالعہ کرنے والا پرائیویٹ ادارہ ہے۔ ادارہ ہرایک ایم پی کی کارکردگی کو درج کرتارہتاہے۔ ادارہ کا کہنا ہے کہ ہمارا سروے پارلیمانی حلقہ کے عوام اور ان کے ایم پی کے درمیان مباحثے کے لئے کارآمد بنتاہے۔ اور اس کے ذریعے سے شفافیت کو قائم رکھا جاسکتاہے۔ رائے دہندگان کو اپنےنمائندے کی کارکردگی کوجاننے اور پتہ لگانےمیں آسانی ہوگی۔ اوراس طرح کے مطالعات پیش کرنے سے ارکان کے درمیان ایک صحت مند مقابلہ کو موقع فراہم ہوگا اور جمہوری نظام میں عوام کا اعتماد بحال رکھنے میں معاون ہوگا۔ ادارے نے اپنے ویب سائٹ پر سبھی ارکان پارلیمان کی کارکردگی کو شائع کیا ہے۔

ایک نظر اس پر بھی

شمالی کینرا میں زمین کی ملکیت سے متعلق مسائل حل کیے جائیں۔ ریوینیو وزیر سے شیو رام ہیبار کا مطالبہ

شمالی کینرا ضلع انچارج وزیر شیورام ہیبارنےریوینیو وزیر آر اشوک سے مطالبہ کیا کہ ضلع میں زمین کی ملکیت سے متعلق ای۔پراپرٹی، ہاڈی، فارم نمبر 3 وغیرہ کے مسائل جلد حل کیے جائیں۔

عوامی سہولت کے لئے محکمہ ریوینیو میں کی جائیں گی انقلابی تبدیلیاں۔ وزیر مالگزاری آر اشوک کا بیان

بھٹکل میں منی ودھان سودھا کا افتتاح کے وقت حاضرین سے خطاب کرتے ہوئَے محکمہ مالگزاری کے وزیر آر اشوک نے کہا کہ عوام کو سہولت دلانے کے لئے ریوینیو ڈپارٹمنٹ کے کام کاج میں کچھ انقلابی تبدیلیاں کی جائیں گی۔

بھٹکل میں دعوت سنٹر کی تجدید و تزئین کی تکمیل پر خوبصورت تقریب کا انعقاد : بھٹکل کی اہم شخصیات کا تذکرہ

جماعت اسلامی ہند بھٹکل کی اجتماعی  سرگرمیوں کا محور ومرکز دعوت سنٹر کی تجدید و تزئین کاری کی تکمیل کے بعد  24جنوری 2021بروز اتوار کی شام 5بجے  جامع مسجد بھٹکل کےخطیب مولانا عبدالعلیم خطیب ندوی کے درس قرآن سے دعوت سنٹر کا افتتاحِ نوعمل میں آیا۔  

بھٹکل میں منی ودھان سودھا اور اندراکینٹین کا وزیر اشوک اور وزیر شیورام ہیبار کے ہاتھوں خوبصورت افتتاح

ریاستی کابینہ کے وزیر برائے ریوینیو آر اشوک نے بھٹکل کے عوام کی دیرینہ مانگ  انجمن روڈ پر نوتعمیر شدہ منی ودھان سودھا  کا فیتہ کاٹ کر افتتاح کیا۔اس موقع پر خطاب کرتےہوئے آر اشوک نےکہاکہ ریاستی حکومت کئی ترقیاتی  کاموں کو انجام دے رہی ہے ان میں سے ایک منی ودھان سودھا بھی  ہے۔ ...

جالی پٹن پنچایت کی جانب سے روینیو منسٹر اور ضلع نگراں کار وزیر کو سونپا گیا میمورنڈم؛ محکمہ جنگلات کی جانب سے پیش آرہی رکاوٹوں کو دور کرنے کا مطالبہ

بھٹکل تعلقہ جالی پٹن پنچایت کی جانب سے ریاست کے روینیو منسٹر آر اشوک کو جالی پٹن پنچایت کی محکمہ تحصیل کی جانب سے واضح سرحدی نشان طئے کرنے کا مطالبہ لے کر پنچایت کی صدر شمیم بانو شیخ نے میمورنڈم سونپا۔