تھکاوٹ کے بعد چین اوپن کا خطاب جیتنے اتریں گے سندھو اور سری کانت

Source: S.O. News Service | By Shahid Mukhtesar | Published on 18th September 2018, 11:49 AM | اسپورٹس |

چانگجھو ، 18 ستمبر (ایس او نیوز؍آئی این ایس انڈیا ) ہندوستانی عظیم بیڈمنٹن کھلاڑی پی وی سندھو کواگر بین الاقوامی سرکٹ میں اپنی مسلسل اچھی کارکردگی کو جاری رکھنا ہے اور منگل سے یہاں شروع ہو رہے چین اوپن کے خطاب کو دوبارہ جیتنا ہے تو تھکاوٹ پر قابو پانے کا طریقہ ڈھونڈناہوگا۔ گزشتہ ہفتے جاپان اوپن کے دوسرے راؤنڈ میں شکست کے دوران سندھو پر تھکاوٹ کا اثر دکھائی دے رہا تھا۔گزشتہ سال اکتوبر میں ڈنمارک اوپن کے پہلے راؤنڈ میں شکست کے بعد یہ پہلا موقع تھا جب سندھو کسی ٹورنامنٹ سے جلدی باہر ہوئی تھی۔ تیس سالہ سندھو نے موجودہ سیشن میں اچھی کارکردگی اور تین بڑے مقابلوں دولت مشترکہ کھیل، عالمی چمپئن شپ اور ایشیائی کھیلوں میں کانسی کا تمغہ جیتنے میں کامیاب رہی ہیں۔وہ انڈیا اوپن اور تھائی لینڈ اوپن کے فائنل میں بھی پہنچنے میں کامیاب رہی۔ حالانکہ مصروف شیڈول کی وجہ سے سندھو کو تھکاوٹ پر قابو پانے کا کافی وقت نہیں مل رہا ہے۔اولمپکس اور عالمی چمپئن شپ کی چاندی کا تمغہ فاتح سندھو نے 700000 ڈالر انعامی چین اوپن کا خطاب 2016 میں جیتا تھا اور بی ڈبلیو ایف عالمی ٹور سپر 1000 ٹورنامنٹ کے خواتین کے سنگلز خطاب کے وہ اہم دعویداروں میں شامل ہیں۔ چین اوپن کا 2014 میں خطاب جیتنے والی سائنا کا سنگ جی کے خلاف 8-2کا ریکارڈ ہے اور اگر وہ کوریائی کھلاڑی کے خلاف جیت درج کرتی ہیں تو چین کی پانچویں نمبر کے چین یوسیفی سے ان کا مقابلہ ہو سکتا ہے۔سائنا اور سندھو اگر اپنے اپنے مقابلے جیت لیتی ہیں تو کوارٹر فائنل میں ان دونوں کا مقابلہ ہو سکتا ہے۔گزشتہ سیشن میں چار ٹائٹل جیتنے والے کدامبی سری کانت موجودہ سیشن میں امید کے مطابق کارکردگی نہیں کر پائے ہیں۔ساتویں شیڈ سری کانت نے دولت مشترکہ کھیلوں میں مردوں کے سنگلز کا چاندی کا تمغہ جیتا لیکن ان کی کارکردگی میں تسلسل کی کمی ہے۔اس سال کچھ وقت دنیا کے نمبر ایک کھلاڑی رہے سری کانت اپنی مہم کا آغاز ڈنمارک کے راسمس گیمکے کے خلاف کریں گے۔کوارٹر فائنل میں سری کانت کے جاپان کے کھلاڑی سے کھیلنا پڑ سکتا ہے جنہوں نے انہیں ملائیشیا اور انڈونیشیا میں شکست دی۔ایچ ایس پرنیے کو پہلے راؤنڈ میں ہانگ کانگ کے آٹھویں نمبر کے ینجی کا لوگ ینگس کے خلاف کھیلنا ہے۔دیگر ہندوستانیوں میں اشونی پونپا اور این سکی ریڈی کا سامنا کم سو یونگ اور کونگ ہی یونگ کی کوریا کی جوڑی سے ہوگا۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...