پتورمیں پیش آیا خطرناک سیریل ایکسیڈنٹ۔ کئی افراد زخمی
اڈپی 6/مئی (ایس او نیوز) پتور میں پیش آئے خطرناک سیریل ایکسیڈنٹ میں کئی افراد کے زخمی ہونے کی اطلاع موصول ہوئی ہے۔کوکاڈا سے دھرمستھلا جانے والے نیشنل ہائی وے پر دو کاریں ایک دوسرے سے بری طرح ٹکرا گئیں۔پھر زخمیوں کے لے جانے کے لئے جو ایمبولینس بلائی گئی تھی وہ بھی بے قابو ہوکرحادثے کا شکار ہوگئی اور ساوتھڈکا کراس پر سڑک کنارے الٹ گئی۔
اس حادثے میں زخمی ہونے والوں کی شناخت یمونا(40سال)، متھپّا (45سال)، موہینی (42سال)، موکشی (17سال) اور دھنیا (16سال) کے طورپر کی گئی ہے جوکہ سیلیورو کار میں موجود تھے۔ ان میں سے دھنیا کی حالت بہت نازک بتائی جاتی ہے۔جبکہ اس سے ٹکرانے والی سوفٹ کار میں موجود زخمیوں کے باریمیں کوئی تفصیل معلوم نہیں ہوئی ہے۔
حادثہ پیش آتے ہی زخمیوں کو اسپتال میں منتقل کرنے کے لئے بیک وقت کئی ایمبولینس گاڑیوں کو طلب کرلیا گیا تھا۔اس میں سے نیلیاڈی سے جو ایمبولینس پہنچی تھی اس وقت تک تمام زخمیوں کو اسپتال میں منتقل کرنے کے دوسری ایمبولینس گاڑیوں میں بھیجا جاچکا تھا۔ اس لئے یہ ایمبولینس واپس نیلیا ڈی کی جانب لوٹ رہی تھی تو راستے میں بے قابو ہوگئی اور ایک اسکوٹر سوار کو ٹکر مارنے کے بعد الٹ کر سڑک کنارے نالے میں جاکر رک گئی۔خوش قسمتی سے اسکوٹر سوار کو کوئی چوٹ نہیں آئی۔
پولیس نے موقع پر پہنچ کر معائنہ کیااور معاملہ درج کرلیا ہے۔
