مینگلور، 20؍ اکتوبر (ایس او نیوز) ضلع فکشن کنڑا کے اپن انگڈی کے گولی ہیتلو میں پیش آئے حادثہ میں ایک تیز رفتار ٹیمپو کی ٹکر سے موٹر بائک سوار کو جان سے ہاتھ دھونا پڑا۔

اطلاع کے مطابق مہلوک کی شناخت  شکتی نگر منگلورو کے رہنے والے سچن (29 سال) کے طور پر کی گئی ہے ۔ اپن انگڈی کی جانب سے آنے والی مچھلی بھری ہوئی ٹیمپو گاڑی نے جب بائک کو ٹَکر ماری توبائک پر سوار سچن اور اس کا ساتھی اچھل کر سڑک پر گر گئے ۔ تیز رفتار اور بے پروائی سے چلائے جا رہے ٹیمپو کا چکر سچن کے سر پر سے گزر گیا اور اس نے موقع پر ہی دم توڑ دیا ۔ جبکہ اس کے پیچھے بائک پر سورا دوسرا ساتھی انکیت شدید زخمی ہوا ہے اور پتور سرکاری اسپتال میں زیر علاج ہے ۔

پتور ٹریفک پولیس نے کیس درج کرلیا ہے اور تحقیقات جاری ہے ۔