پتور:23؍نومبر(ایس اؤ نیوز) شہر کی سرکاری پی یوکالج کے ایک طالب علم پر اسی کالج کے دیگر طلبا کا گروہ حملہ کئےجانے کا واقعہ منگل کو پیش آیا ہے۔ حملہ کا شکار ، زخمی متعلم کو پتور سرکاری اسپتال میں علاج کے لئے داخل کیاگیا ہے۔

حملہ کرنے والے اور حملہ کا شکار سبھی طلبا نابالغ ہونےکی بات کہی جارہی ہے۔ سبھی طلبا پی یو سی کے اول و دوم میں زیر تعلیم ہونے کی جانکاری ملی ہے۔ کالج کی طالبہ سے  بات کئےجانےکے بہانے حملہ کرنے کا الزام لگایا گیا ہے۔ حملہ کرنے والے طلبا کا تعلق اے بی وی پی سے بتایا جارہاہے۔ ابھی تک کسی طرف سے بھی کوئی کیس داخل نہیں ہواہے۔ موصولہ اطلاع کے مطابق متعلم پر ہوئے حملےکی سخت مذمت کرتےہوئےکیمپس فرنٹ آف انڈیا پتور کے کارکنان نے گاندھی کٹا کے قریب احتجاج کرتےہوئے ملزموں کی فوری گرفتاری کا مطالبہ کیا ہے۔