پتور،25؍جنوری (ایس او نیوز) اپن انگڈی سبرامنیا اسٹیٹ ہائی وے پرایک رٹز اور دوسری بولیورو کار کے درمیان ہونے والی زبردست ٹکر کے نتیجے میں ایک ہی خاندان کے 4افراد زخمی ہوگئے جبکہ ایک نوجوان کی موت واقع ہوگئی۔

 حادثے میں موت کا شکار ہونے والے نوجوان کی شناخت ہوسامٹھ کے رہنے والے نوین مارٹس کے طور پر کی گئی ہے۔ زخمیوں نوین کے والد نکولس مارٹس، والدہ سیسیلیا لاسراڈو، بہن ششما لاسراڈو اور نوین کی بیوی شامل ہیں۔

بتایا جاتا ہے کہ ہوسامٹھ کی طرف جا رہی رٹز کار بالیا کے قریب بولیرو کار سے ٹکرا گئی۔ جس وقت حادثہ پیش آیا اس وقت وہاں سے کڈبا پولیس انسپکٹر کی گاڑی گزر رہی تھی۔ سی پی آئی نے خود آگے بڑھ کر3 زخمیوں کو 108ایمبولینس اور ایک زخمی کو اپنی گاڑی میں اسپتال تک لے جانے کا انتظام کیا۔ کڈبا پولیس نے موقع پر پہنچ کر معائنہ کیا اور کیس درج کرلیا۔