مینگلور 7/دسمبر (ایس او نیوز)قریبی علاقہ پتور کے نیشنل ہائی وے کے قریب پیدل چلنے کے لئے بنی کچی سڑک پر کھڑے ہوئے بزرگ شخص کو ایک بائک سوار نے ایسی ٹکر ماری کہ اس نے زخموں کی تاب نہ لاکر دم توڑ دیا، جبکہ بائک سوار زخمی حالت میں زیر علاج ہے۔

مہلوک کی شناخت لارنس ڈیسوزا(69) کے طور پر کی گئی ہے۔

معلوم ہوا ہے کہ موکرامپاڈی علاقے میں رات 9.45بجے یہ حادثہ پیش آیا جس میں پتور رجسٹریشن والی موٹر بائک پر سوار متھن نامی نوجوان پتور سے کمبرا جاتے وقت گاڑی پر سے قابو کھودیا اور بائک ہائی وے سے نیچے اتر کر کچے روڈ پر آگئی۔ جس کی زد میں آنے سے لارنس بری طرح زخمی ہوگیا۔اس کے ہاتھ پاؤں اور سر پر گہری چوٹ آئی تھی۔ حالانکہ اسے فوری طور پر پتور سرکاری اسپتال میں منتقل کیا گیا مگروہاں پہنچنے سے قبل ہی اس نے دم توڑ دیا۔

عینی شاہدین کا کہنا ہے کہ متھن کا بے پروائی کے ساتھ گاڑی چلانا لارنس کی جان لینے کا سبب بن گیا۔

اس ضمن میں پتور مضافاتی پولیس اسٹیشن میں کیس درج کرلیا گیا ہے اور پولس چھان بین کررہی ہے۔