پتور: سابق عاشق کی طرف سے ذہنی اذیت سے تنگ آکر خاتون نے کی خود کشی
پتور،29؍اکتوبر (ایس او نیوز) پتور تعلقہ کے سمپیا میں اپنے سابق عاشق کی طرف سے دی جارہی ذہنی اذیت اور جان سے مارنے کی دھمکیوں سے تنگ آکر ایک خاتون نے تالاب میں کود کر خودکشی کرلی ہے۔
بتایا جاتا ہے کہ ہلاک ہونے والی خاتون مدھوشری (26سال) پچھلے 4 برس سے ایک نجی اسپتال میں ملازمت کررہی تھی اور وہیں پر ہاسٹل میں رہا کرتی تھی۔ چھٹی کے دن وہ اکثر اپنی نانی کےگھر آجاتی تھی۔ 28؍اکتوبر کو بھی وہ چھٹی ملنے پر نانی کے گھر آئی تھی اور دوپہر کا کھانا کھانے کے بعد فارم ہاؤس میں جاکر اس نے تالاب میں چھلانگ لگادی۔ اور پانی میں ڈوبنے کی وجہ سےوہ اپنی جان سے ہاتھ دھو بیٹھی۔اس نے اپنے ڈائری میں جو نوٹ لکھا ہے اس سے معلوم ہوا ہے کہ دیوی کرن نامی اس کا سابق عاشق اسے دن رات ذہنی اذیت دے رہا تھا۔ مدھوشری کے ماموں وٹل گوڈا کی شکایت پر سمپیا پولیس اسٹیشن میں کیس درج کرلیا گیا ہے۔ مزید تفتیش جاری ہے