پتور : ٹینکر اور اسکوٹی کی ٹکر ۔ 15 سالہ طالب علم ہلاک ۔ ماں اور دوسرا بیٹا شدید زخمی
پتور،7؍ستمبر (ایس او نیوز) اپن انگڈی میں نٹی بیل پٹرول بنک کے پاس پیش آئے اسکوٹی اور ٹینکر کے تصادم میں اپنی ماں اور بھائی کے ساتھ اسکوٹی پر اسکول جارہا 15 سالہ طالب علم ہلاک ہوگیا جبکہ اس کا دوسرا بھائی اور ماں شدید زخمی ہوگئے ۔
موصولہ رپورٹ کے مطابق آنگن واڈی ورکر انورادھا اپنے بیٹے اشوتھ اور ادوتھ کو اسکوٹی پر بٹھا کر اسکول لے جارہی تھی ۔ اس دوران پیچھے سے ایک ٹکر نے اسکوٹی کو ٹکر ماری جس کی وجہ سے ادوتھ سڑک پر گرتے ہی ٹینکر کے ٹائر کے نیچے آ کر کچلا گیا اور اس نے موقع پر ہی دم توڑ دیا ۔ جبکہ انورادھا اور اس کا دوسرا بیٹا اشوتھ شدید زخمی ہوگئے جنہیں اسپتال میں داخل کیا گیا ۔
اپن انگڈی پولیس نے موقع پر پہنچ کر معائنہ کیا اور کیس درج کر لیا ۔