بورویل سے 110 گھنٹے بعد باہر نکالے گئے فتح ویر زندگی کی جنگ ہار گیا  

Source: S.O. News Service | By Shahid Mukhtesar | Published on 11th June 2019, 10:37 PM | ملکی خبریں |

سنگ رور/لدھیانہ11 جون (ایس او نیوز/آئی  این ایس انڈیا) پنجاب کے سنگ رور میں 150 فٹ گہری بورویل میں گرے دو سالہ بچہ کو قریب 110 گھنٹے بعد منگل کی صبح باہر تو نکال لیا گیا لیکن اس کی جان نہیں بچائی جا سکی۔ متاثر بچہ نے اتنی مشقت کے بعد جان کی بازی گنوا بیٹھا۔ حکام نے بتایا کہ’نیشنل ڈیزاسٹر فورس‘ کے اہلکاروں نے صبح قریب ساڑھے پانچ بجے کے بچے کو بورویل سے باہر نکالا تھا۔ سنگ رورڈپٹی کمشنر نے بتایا کہ پولیس سیکورٹی کے درمیان بچے کو چندی گڑھ کے اسپتال لے جایا گیا۔ ہسپتال کے ڈاکٹروں نے بتایا کہ بچے کو مردہ حالت میں وہاں لایا گیا تھا۔طبی اہلکار نے کہا کہ لاش کو جلد ہی پوسٹ مارٹم کرایا جائے گا۔ انہوں نے بتایا کہ اس کے بعد ہسپتال بیان جاری کرے گا۔ گپتا نے بتایا کہ بچے کو صبح ہسپتال لائے جانے کے بعد اس کی لاش کو ’انت اطفال طبی مرکز منتقل کر دیا گیا۔ فتح ویر اسی پیر کو دو سال کا ہوا تھا. وہ سات انچ وسیع اور 125 فٹ گہری بورویل میں گر گیا تھا۔ وہ اپنے والدین کی اکلوتی اولاد تھا۔ فتح ویر سنگھ ضلع کے بھگوان پورہ گاؤں میں اپنے گھر کے قریب ایک سوکھے بورویل میں جمعرات کی شام قریب چار بجے گر گیا تھا۔ بورویل کپڑے سے ڈھکا ہوا تھا؛ اس لیے بچہ اتفاقاً اس میں گر گیا۔حکام نے بتایا کہ بچے کی ماں نے اسے بچانے کی کوشش کی تھی لیکن وہ اسے بچا نہیں پائی۔ بچے کو باہر نکالنے کے لئے وسیع سطح پر ایک ریسکیو آپریشن چلایا گیا تھا۔

ایک نظر اس پر بھی

وندے بھارت مشن کے تحت مزید 6ممالک  کے بھارتی  لوٹیں گے وطن : پرائیویٹ ہوائی جہازوں کے استعمال کا فیصلہ

کووڈ لاک ڈاؤن کی وجہ سے گزشتہ دو مہینوں سے مختلف بیرونی ممالک میں پھنسے ہوئے بھارتیوں کے لئے بڑی بری خبر ہے کہ فی الحال بین الاقوامی ہوائی جہاز کی خدمات شروع نہیں ہونے کی جانکاری ملی ہے۔

کورونا: جرمنی کو پیچھے چھوڑ ساتویں مقام پر پہنچا ہندوستان، 24 گھنٹے میں 230 اموات

  ملک میں كورونا وائرس کے نئے کیسز میں دن بہ دن ہو رہے اضافہ سے متاثرین کی کل تعداد 1.90 لاکھ سے تجاوز کر گئی ہے اور ہندوستان سب سے زیادہ متاثر ممالک کی فہرست میں فرانس اور جرمنی کو پیچھے چھوڑ کر ساتویں مقام پر پہنچ گیا ہے۔