پنجاب میں  پولیس ہیڈ کانسٹیبل نے بیوی سمیت 5 لوگوں پر چلائی گولی، 4 کی موت 

Source: S.O. News Service | By INS India | Published on 17th February 2020, 12:37 AM | ملکی خبریں | ان خبروں کو پڑھنا مت بھولئے |

موگا، چنڈی گڑھ/16 فروری (آئی این ایس انڈیا) پنجاب پولیس کے ہیڈ کانسٹیبل نے گاؤں جلال پور میں گھریلو تنازعہ کے باعث اتوار کی صبح قریب 6 بجے بیوی اور 3 سسرال والوں (ساس اور سالے کی بیوی) کا گولی مار کر قتل کر دیا۔ واقعہ میں سالے کی 10 سال کی بچی بھی زخمی ہے۔

دراصل ہفتے کی شام ملزم کانسٹیبل کا سسرال میں تنازعہ ہوا تھا۔ اس کے بعد دھرم کوٹ پولیس اسے لے کر چلی گئی تھی۔ ملزم نے صبح 6 بجے لوٹ کر اے کے -47 سے واردات کو انجام دیا۔ بعد میں اس نے اپنے جرم کو قبول کرلیا۔ملزم کلویندر سنگھ موگا پولیس لائن میں انسداد فساد گروپ کو لیڈ کرتا ہے۔ بیوی کے سا تھ تنازعہ چل رہا تھا۔  بتایا گیا ہے کہ جھگڑے کے بعد بیوی میکے چلی جاتی تھی۔ اس بات پرکلویندر سسرال کے لوگوں سے بھی انتہائی خفا تھا۔

ملزم کانسٹیبل نے سسرال پہنچتے ہی سرکاری اے کے- 47 رائفل نکالی اور فائرنگ شروع کر دی۔ واقعہ میں بیوی، اس کاسالا اور سالے کی بیوی کی موقع پر ہی موت ہو گئی۔ 65 سالہ ساس کور کو سنگین حالت میں موگا کے سول ہسپتال میں لایا گیا تھا. یہاں علاج کے دوران اس کی بھی موت ہو گئی۔ واقعہ میں سالے  کی 10 سالہ بیٹی زخمی ہو گئی۔ وہیں مارے گئے سالے کے 2 بچوں نے پڑوسیوں کے گھر میں چھپ کر جان بچائی۔ دس سالہ بچی کو متھراداس سول ہسپتال میں داخل کرایا گیا ہے۔

واردات کے بعد ملزم نے چھت پر چڑھ کر زور سے چیخنے لگا۔ پولیس کے پہنچنے پر ہتھیار ڈال دیا۔ پولیس کے مطابق ابتدائی جانچ میں پتہ چلا ہے کہ ملزم پولیس اہلکار کی   بیوی کے ساتھ تنازعہ ہوا تھا جس کے بعد وہ بیٹی کو لے کر میکے چلی گئی تھیں۔

ایک نظر اس پر بھی

کانپور انکاؤنٹر: وکاس دوبے کادوست گرفتار، کہا تھانے سے فون آنے کے بعدہوئی واردات

کانپور میں 8 پولیس اہلکاروں کے قتل کے معاملے میں پولیس کو بڑی کامیابی ملی ہے۔ قتل کیس کے مرکزی ملزم گینگسٹر وکاس دوبے کے ایک انعامی ساتھی کوکلیان پور میں تصادم کے بعد پولیس نے گرفتار کرلیا۔

کورونا سے متاثرہ لوگوں کو بھٹکل ویمن سینٹر کیا گیا شفٹ؛ مزید بستروں کی ہوگی ضرورت

بھٹکل ویمن سینٹر کو کوویڈ۔19 سینٹر میں منتقل کرنے کے بعد  آج اتوار کو بھٹکل سرکاری اسپتال سے تمام کورونا سے متاثرہ لوگوں کو منتقل کیا گیا۔ اس موقع پر قومی سماجی ادارہ مجلس اصلاح و تنظیم  بھٹکل کی جانب سے محمد صادق مٹا  موجود تھے۔ انہوں نے بتایا کہ کل سنیچر رات کو سونارکیری ...

مینگلور کے قریب بنٹوال میں مکانوں پر پہاڑی کھسک گئی؛ دو معصوم جاں بحق

گذشتہ دس دنوں سے جاری موسلادھار بارش کے دوران آج اتوار کو  قریبی علاقہ بنٹوال کے بنگلاگُڈے میں  ایک پہاڑی کھسک کر تین   مکانوں پر گرنے سے تینوں  مکان زمین بوس ہوگئے  بتایا گیا ہے کہ دوپہر کو جس وقت یہ حادثہ پیش آیا،  ایک مکان میں دو  بچے آرام کررہے تھے، مکان  گرنے سے دونوں ...

آج 16 پوزیٹیو آنے والوں میں تین دبئی سے اور آٹھ وجے واڑہ سے لوٹے لوگ شامل

بھٹکل کے آج جن 16 لوگوں کی رپورٹ کورونا  پوزیٹیو آئی ہے، اُن میں سے تین لوگ دبئی سے آئے ہوئے لوگ ہیں، آٹھ لوگ وجئے واڑہ ،  تین لوگ  اُترپردیش  اور مہاراشٹرا سے لوٹا ہوا ایک شخص بھی آج کی لسٹ میں شامل ہیں۔