پنجاب کے وزیر اعلیٰ امریندر پانچ دن کے دورۂ اسرائیل پرپہونچے
مقبوضہ بیت المقدس22اکتوبر(ایس او نیوز؍آئی این ایس انڈیا) پنجاب کے وزیر اعلی کیپٹن امریندر سنگھ اپنے پانچ روزہ دورہ پر اتوار کی شام اسرائیل پہنچے۔ ان کے اس دورہ کا مقصد زراعت، جنگلات اور دودھ کے شعبہ میں باہمی تعاون کو مضبوط کرنا ہے۔
سنگھ کے ساتھ حکام کا ایک وفد بھی آیا ہے۔وزیر اعلی سنگھ کو 19 اکتوبر دسہرہ کے دن اسرائیل کے دورے پر آنا تھا لیکن امرتسر ٹرین حادثے کی وجہ انہوں نے اپنے اس دروہ کو منسوخ کردیا تھا ۔جمعہ کو ہوئے اس ٹرین حادثہ میں 59 لوگوں کی موت ہو گئی اور 57 افراد زخمی ہو گئے تھے۔
ایک سرکاری ترجمان نے چندی گڑھ میں کہا کہ امرتسر ٹرین حادثہ متاثرین کے لئے کیا جا رہے ریلیف کے کام سے انتظامیہ کی جانب سے پوری مطمئن ہونے کے بعد ہی اسرائیل جانے کا فیصلہ کیا۔امریندر سنگھ زراعت، جنگلات، دودھ اور آلودہ پانی صاف کرنے کے شعبہ میں کام کرنے والی مختلف کمپنیوں اور اداروں کا دورہ کریں گے تاکہ پنجاب کی ضروریات کو پورا کرنے والے مواقع کا فائدہ لیا جا سکے۔ ساتھ ہی وہ پنجاب کی داخلی سلامتی مضبوط بنانے کے لحاظ سے بھی اسرائیلی حکام کے ساتھ بات چیت کریں گے۔اس سفر پر روانہ ہونے سے پہلے پنجاب کے وزیر اعلی نے کہا تھا کہ اسرائیل کی جانب سے جن جدید ٹیکنالوجی کی پیشکش کی گئی ہے، ان کی حکومت اس کا فائدہ اٹھانا چاہے گی۔یہاں منگل کو پنجاب میں سرمایہ کاری کے مواقع نامی کانفرنس کا انعقاد کیا گیا ہے۔ اس کا مقصد اسرائیل سے پنجاب میں سرمایہ کاری کو متوجہ کرنا ہے۔ پنجاب زرعی یونیورسٹی زراعت میں تعاون کے لئے تل ابیب یونیورسٹی اور گیلی لی انسٹی ٹیوٹ کے ساتھ معاہدہ پر دستخط کریں گے ۔
وہیں سنگھ کے ساتھ ملک کے دورے پر آیا وفد پانی کے تحفظ کے شعبہ میں ایک اتفاق نامہ پر دستخط کرے گا۔امریندرسنگھ مسلسل اس بات پر زور دے رہے ہیں کہ پنجاب کے کسانوں کو صرف دھان اور گیہوں کی کاشت تک محدود نہیں رہنا چاہئے بلکہ اپنی فصلوں میں تبدیلی لانی چاہئے۔ انہیں ریاست کے مسلسل گرتے آبی سطح کو ذہن میں رکھتے ہوئے ڈرپ ایری گیشن (قطرے کے ذریعے آبپاشی) اور ہائڈروپونکس پر توجہ دینا چاہئے۔ اپنے دورہ سے پہلے اسرائیلی وفد کے ساتھ ہوئی ملاقات میں سنگھ نے دودھ کے میدان میں اسرائیلی طور طریقے اپنانے میں دلچسپی دکھائی تھی۔