اگر میرے ساتھ تصویر لینا گناہ ہے تو اس کی سزا بھی مجھے ملے: پرینکا گاندھی

Source: S.O. News Service | Published on 21st October 2021, 12:14 AM | ملکی خبریں |

لکھنؤ،21؍اکتوبر(ایس او نیوز؍ایجنسی) حراست میں فوت ہونے والے ارون والمیکی کے اہل خانہ سے ملاقات کے لئے جا رہی کانگریس کی جنرل سیکریٹری کو پہلے پولیس انتظامیہ نے روکا اور انہیں شاہراہ سے لکھنؤ پولیس لائن لے کر آئی بعد میں انہیں 4 لوگوں کے ساتھ آگرہ جانے کی اجازت فراہم کر دی گئی۔ اسی اثنا میں کچھ خاتون پولیس اہلکاروں نے پرینکا گاندھی کے ساتھ تصاویر لیں، جو سوشل میڈیا پر تیزی پر وائرل ہو رہی ہیں لیکن اب ان اہلکاروں کو کارروائی کا سامنا کرنا پڑ سکتا ہے۔ اس معاملہ میں لکھنؤ پولیس کمشنر ڈی کے ٹھاکر نے خاتون پولیس اہلکاروں کے خلاف تفتیش کا حکم صادر کیا ہے۔ پرینکا گاندھی نے اس پر سخت برہمی کا اظہار کیا ہے۔

پرینکا گاندھی نے ٹوئٹر پر لکھا، ’’خبر آ رہی ہے کہ اس تصویر سے یوگی جی انتے پریشان ہو گئے کہ ان خاتون پولیس اہلکاروں پر کارروائی کرنے پر آمادہ ہیں۔ اگر میرے ساتھ تصویر لینا گناہ ہے تو اس کی سزا بھی مجھے ملے۔ ان محنتی اور وفادار پولیس اہلکاروں کا کیرئر خراب کرنا حکومت کو زیب نہیں دیتا۔‘‘

ادھر، لکھنؤ کے پولیس کمشنر ڈی کے ٹھاکر نے بتایا کہ پرینکا گاندھی کو 4 لوگوں کی ٹیم کے ساتھ آگرہ جانے کی اجازت دی گئی ہے۔ انہوں نے مزید کہا کہ پولیس اہلکاروں کے سیلفی فوٹو معاملہ میں جانچ کی ہدایت دی گئی ہے۔ فوٹو کے ذریعے شناخت کی جا رہی ہے۔‘‘

خیال رہے کہ پرینکا گاندھی پولیس حراست میں ارون کی موت کے حوالے سے متاثرہ خاندان سے ملنے آگرہ جانا چاہتی تھیں لیکن انہیں پولیس نے آگرہ ایکسپریس وے کے انٹری ٹول پر روک لیا۔ اس سے ناراض کانگریس کارکنوں اور پولیس کے درمیان تیکھی بحث ہوئی۔ اس کے بعد لکھنؤ پولیس نے پرینکا گاندھی کو اپنی تحویل میں لے لیا اور انہیں پولیس لائن لے آئی۔ جہاں تقریباً ایک گھنٹہ رکنے کے بعد پرینکا کو 4 لوگوں کے ساتھ آگرہ جانے کی اجازت دی گئی۔ فی الحال پرینکا پولیس لائن چھوڑ کر کول ہاؤس پہنچ گئی۔ جہاں سے پرینکا ارون والمیکی کے اہل خانہ سے ملنے کے لیے دیر شام آگرہ کے لیے روانہ ہو گئیں۔

غورطلب ہے کہ 17 اکتوبر کو آگرہ کے جگدیش پورہ تھانہ میں مالخانہ سے 25 لاکھ روپے غائب ہو گئے تھے۔ اس کے بعد پولیس نے تھانہ آنے والے صفائی ملازم ارون کو حراست میں لے لیا تھا۔ جہاں منگل کی رات دیر گئے اس کی صحت بگڑ گئی اور اس کی موت ہو گئی۔ ارون کی والدہ کملا دیوی کا کہنا ہے کہ پولیس والوں نے چوری کا الزام لگاتے ہوئے پورے خاندان کو اٹھایا اور ان کی پٹائی کی۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...