بھٹکل : پھر سے شروع ہورہی ہے پونے - ایرناکولم سوپر فاسٹ ٹرین سروس

Source: S.O. News Service | Published on 19th September 2021, 1:37 PM | ساحلی خبریں |

بھٹکل 19؍ستمبر (ایس او نیوز) محکمہ ریلوے نے پونے - ایرناکولم سوپر فاسٹ ٹرین پھر سے شروع کرنے کا فیصلہ کیا ہے ۔

کونکن ریلوے کارپوریشن لمیٹیڈ کی طرف سے جاری کیے گئے بیان کے مطابق بیلگاوی ، پونے اور مڈگاوں سے ہوتی ہوئی ایروناکولم تک جانے والی ہفتہ واری سوپر فاسٹ ٹرین دوبارہ متعارف کروانے کے لئے  سینٹرل، ساوتھ ویسٹرن اور سدھرن ریلوے کے ساتھ مشترکہ طور پر اقدامات کیے گئے ہیں ۔

ٹرین نمبر 01197 پونے - ایرناکولم ویکلی ایکسپریس اسپیشل 25 ستمبر سے دوبارہ شروع کی جارہی ہے۔ یہ ٹرین پونے سے ہر سنیچر کو رات 10.10 بجے  نکلے گی اور تیسرے دن (پیر) صبح 3.20 ایرناکولم پہنچے گی ۔
    
جبکہ ٹرین نمبر 01198 ہر پیر کے دن شام 6.50 بجے ایرناکولم اسٹیشن سے روانہ ہوگی اور دوسرے دن شب 11.35 بجے پونے پہنچے گی ۔
    
خیال رہے کہ یہ ایکسپریس ٹرین پوری طرح ریزروڈ کمپارٹمنٹس والی ہوگی ۔ جس میں ایک 2 ٹائر اے سی، چار 3 ٹائر اے سی، 11 سلیپر کلاس، 4 سیٹنگ اور 2 لگیج کم بریک وین کوچس ہونگے ۔ 
    
یہ سوپر فاسٹ ٹرین پونہ سے نکلنے کے بعد کرناٹکا میں بیلگاوی، لونڈا، کیسل راک، کاروار، گوکرن، کمٹہ، ہوناور، مرڈیشور، بھٹکل، بیندور، کنداپور، اڈپی اور منگلورو جنکشن اسٹیشنوں پر رکے گی ۔
    
 پونے اور ایرناکولم کے درمیان پنویل اور مڈگاوں سے ہوکر گزرنے والی ٹرین نمبر 1150/1149 سوپر فاسٹ ایکسپریس کی سروس اب مسافروں کے لئے ہفتہ میں 2 مرتبہ دستیاب رہے گی ۔

29 ستمبر سے یہ ٹرین دوبارہ شروع کی جارہی ہے ، جو اتوار اور بدھ کو پونے سے نکلے گی جبکہ منگل اور جمعہ کو ایرناکولم سے واپسی کا سفر شروع کرے گی۔

ایک نظر اس پر بھی

بھٹکل کے معروف کھلاڑی حمّاد صدیقہ انتقال کرگئے؛ بھٹکل سمیت جدہ میں بھی تعزیتی اجلاس

بھٹکل کے معروف کبڈی اور کرکٹ  کھلاڑی  اور  ہردلعزیز نوجوان حمّاد صدیقہ ابن منصور صدیقہ (32)  بدھ دیر رات کومینگلور اسپتال میں انتقال کرگئے۔ انا للہ و انا الیہ راجعون۔  جمعرات بعد نماز  ظہر خلیفہ جامع مسجدمیں ان کی نماز جنازہ ادا کی گئی،  اور غوثیہ محلہ پرانے قبرستان میں تدفین ...

 منگلورو: بس شیلٹر نام کرن معاملہ میں قتل کی دھمکی کا الزام ۔ راوڈی شیٹر سمیت 5 گرفتار 

سورتکل کے  کاٹیاپالیا تھرڈ بلاک میں نوتعمیر شدہ بس شیلٹر کو چار سال پہلے  قتل ہوئے دیپک راو کے نام سے منسوب کرنے پر جان سے مارنے کی دھمکی دینے والے پانچ ملزموں کو پولیس نے گرفتار کر لیا جس میں راوڈی شیٹر نواز بھی شامل ہے ۔

پیر 25 اکتوبر کوہونے والی بھٹکل میونسپالٹی کی 21 دکانوں کی نیلامی ملتوی؛ اسسٹنٹ کمشنر سے ملاقات کے بعد نیلامی کی اگلی تاریخ کا ہوگا فیصلہ

بھٹکل میونسپالٹی کی 21 دکانوں کی نیلامی جو 25 اکتوبر بروز پیر کو ہونے والی تھی، اب اسسٹنٹ کمشنر ممتادیوی  کی ہدایت پر ملتوی کردی گئی ہے، لیکن دکانوں کی نیلامی کی اگلی تاریخ طئے نہ کئے جانے کو لے کر  پیداشدہ تنازعہ  کو حل کرنے  جمعہ کو میونسپالٹی صدر پرویز قاسمجی نے کونسلروں کی  ...

پتور : نابالغ دلت لڑکی عصمت دری - بی جے پی لیڈر کی گرفتاری کا مطالبہ - دلت تنظمیوں نے کیا احتجاجی مظاہرہ

دلت طبقہ سے تعلق رکھنے والی نابالغ لڑکی کی عصمت دری میں ملوث بی جے پی لیڈر کی گرفتاری کا مطالبہ کرتے ہوئے دلت تنظیموں کی کوآرڈینیشن کمیٹی نے پتور مضافاتی پولیس اسٹیشن کے روبرو ایک زبردست احتجاجی مظاہرہ منعقد کیا ۔

کنداپور : خودکشی معاملہ قتل میں ہوا تبدیل - بیوی اور بچوں سمیت پانچ ملزمین گرفتار

پتور تعلقہ کے امپارو گاوں میں 19 اکتوبر کو خودکشی کا جو معاملہ سامنے آیا تھا اور وہ قتل کی واردات میں تبدیل ہوگیا ہے جس کے بعد پولیس نے مقتول کی بیوی، اس کے آشنا اور دو نابالغ بچوں کو گرفتار کر لیا ۔