انکولہ:11؍اکتوبر(ایس اؤ نیوز)انکولہ تعلقہ کے الگیری میں مجوزہ عوامی ہوائی اڈے کے لئے زمین تحویل میں نہ لینےکا عوام مطالبہ کرتے رہےہیں، گرام رکشھنا ویدیکے کی جانب سے انکولہ میں جمعہ کو احتجاجی جلوس ہوا۔ جس میں ہوائی اڈے کے لئے زمیں حصولیابی کے لئے کئے جانے والے سروے کی مخالفت کرتے ہوئے نمائشی ناٹک پیش کرتے ہوئے اپنے احتجاج کو درج کیا۔
احتجاجی ریلی میں دیہات کے سیکڑوں لوگ، خواتین بچوں سمیت شریک تھے۔ الگیری دیہات سے انکولہ تحصیلدار دفتر تک پیدل احتجاجی جلوس نکالاگیا۔ احتجاج کو دیکھتے ہوئے شہر میں پولس بندوبست کیاگیا تھا۔ خیال رہے کہ بحریہ اڈے کے دوسرے مرحلے کی توسیع میں بحریہ فوج کے لئے ہوائی اڈے کی تعمیر ہوگی ۔ اسی میں عوامی خدمات کے لئے موقع فراہم کرتے ہوئے مزید توسیع کرنےکا پلان ہے۔ بحریہ ہوائی اڈے کے لئے بحریہ اڈے پرہی زمین دستیاب ہے ، مگر عوامی ہوائی اڈے کے لئے زائد زمین کی ضرورت ہونے کی بات کہی گئی تھی ۔ جس کے لئے زائد زمین کی حصولیابی نہ کرنےکا مطالبہ لےکر دیہی عوام مخالفت کررہے ہیں۔ ضلع انتظامیہ نے واضح کیا ہےکہ ہوائی اڈے کے لئے زائد زمین کی ضرورت نہیں ہے۔