اترکنڑا ضلع کےا نکولہ میں کورونا وائرس کو لے کر عوام میں اضطراری کیفیت
کاروار:14؍جون (ایس اؤ نیوز) وبائی مرض کورونا وائرس سے ضلع اُترکنڑا کا انکولہ تعلقہ ابھی تک محفوظ ہے لیکن عوام میں اندرونی سطح پر چلنے والی چہ میگوئیاں خوف پیدا کررہی ہیں۔
ضلع کے 11تعلقہ جات میں کورونا متاثرین پائے گئے تو ابھی تک انکولہ اس سے دور ہی رہاہے، ابھی تک یہاں کسی بھی پوزیٹیو کیس کی تصدیق نہیں ہوئی ہے۔ لیکن مہاراشٹرا سےکمٹہ آنے والے ایک شخص کی رپورٹ کل پازیٹیو آنے کے بعد کمٹہ کے شخص کے رابطے میں آنے والے دو لوگوں کا تعلق انکولہ سے ہونے کے بعد انکولہ سرکاری تعلقہ اسپتال کی ایمبولنس جب انہیں لے جانے کے لئے گھر پہنچی تو عوام حیرت میں پڑگئے۔ دونوں کو صبح ہی تعلقہ اسپتال لے جایا گیا اور ان کے تھوک کے سیمپل جانچ کے لئے راونہ کئے گئے۔ اس کے بعد انہیں ہوم کوارنٹائن میں رہنےکی ہدایات دےکر بھیج دیاگیا۔ اس کے ساتھ تعلقہ کے پانچ دیگر لوگوں کے بھی سیمپل بھیجے گئے ہیں جن کی رپورٹ ملنی باقی ہے۔
ابھی تک رپورٹ نہیں آئی ہے لیکن عوام میں رپورٹ آنے سے پہلے ہی کورونا وائرس کو لے کر افواہیں پھیل رہی ہیں کہ متعلقہ افراد میں کورونا وائرس کے اثرات پائے جارہے ہیں ۔ جنگل کے آگ کی طرح پھیلی اس افوہ سے پورے دیہات سمیت تعلقہ کو بھی اپنی لپیٹ میں لے چکی ہے۔ جس کے نتیجےمیں مطمئن عوام میں اضطراری کیفیت پائے جانے کی اطلاعات موصول ہوئی ہیں۔
تعلقہ میں کئی لوگوں کے تھوک کے سیمپل جانچ کے لئے بھیجے گئے تھے جن کی رپورٹ نگیٹیو آئی ہے، اس کے باوجود عوام کی بےچینی میں کمی نہیں دیکھی جارہی ہے۔ ہرکوئی متعلقہ افراد کی رپورٹ نگیٹیو آنے کی پرارتھنا کررہاہے۔
