منگلورو:23؍فروری (ایس اؤ نیوز)اے ٹی ایم میں اسکیمنگ اشیاء کی نصب کاری کی کوشش کرنے کے دوران دو جعل سازوں کو مقامی عوام نے پکڑ کر پولس کے حوالے کئے جانے کا واقعہ منگل کو پیش آیا ہے۔
شہر کےمنگلا دیوی علاقے میں واقع اے ٹی ایم میں یہ دونوں جعل ساز اسکیمنگ اشیاء کی نصب کاری کی کوشش میں تھے۔ جعل سازوں کی کوششوں پر نظر رکھتے ہوئے عوام نے جب انہیں پکڑنے کی کوشش کی تو دونوں بھاگنےکی کوشش کرنے لگے۔ اسی وقت تین لوگوں نے دونوں کو مضبوطی سے پکڑ لیا، جس کی وڈیو کلپ بھی بعد میں وائرل ہوگئی جو سی سی ٹی وی کیمروں میں قید ہوگئی تھی۔
خیال رہے کہ اے ٹی ایم میں بہت ہی باریک و حساس اشیاء کی نصب کاری کرتےہوئے اے ٹی ایم کارڈوں کی جانکاری چوری کرنےکے بعد جعلی کارڈ تیارکرکے متعلقہ اکاؤنٹ سے رقم چرانے کو اسکیمنگ کہاجاتاہے۔جب کوئی متعلقہ اے ٹی ایم میں اپنا کارڈ اسپائس کرتاہے تو اس میں موجود 16نمبرات اور سی وی سی کی جانکاری جعل سازوں کی طرف سے نصب کئے گئے اشیاء میں درج ہوجاتی ہے
منگلورو کے علاقے میں حالیہ دنوں میں ایسے چند واقعات پیش آئے ہیں۔ شہر کے چلیمبی ناگوری اور کلائی ائیریا کے ایک ایک اےٹی ایم میں اس طرح اسکیمنگ کرتے ہوئے جعل سازوں نے سیکڑوں گاہکوں کو لاکھوں روپیوں کا چونا لگانے کی وارداتیں پیش آچکی ہیں۔