بیروت،19جنوری(آئی این ایس انڈیا) لبنانی دارالحکومت بیروت میں مظاہروں کے دوران کم از کم دو سو افراد زخمی ہو گئے ہیں۔ ریڈ کراس کے مطابق مظاہرین اور قانون نافذ کرنے والے اداروں کے مابین ہوئے تصادم کے بعد 80 افراد کو ہسپتال میں داخل کرانا پڑا۔ لبنان میں حکومت سازی کا عمل مکمل نہ ہونے پر عوام احتجاج کر رہے ہیں۔ صدر مشیل عون نے وزیر دفاع اور وزیر داخلہ کو حکم دیا ہے کہ وہ مظاہرے ختم کرانے کی کوشش کریں۔ ساتھ ہی انہوں نے پر امن مظاہرین کو تحفظ فرام کرنے کی بھی ہدایات کی ہیں۔ لبنان میں مظاہروں کا سلسلہ سن 2019 کے مہینے اکتوبر سے جاری ہے۔ عام لوگ حکومتی کرپشن اور مہنگائی کے خلاف سراپائے احتجاج بنے ہوئے ہیں۔