ٹیسٹا سیتلوادکی گرفتاری کیخلاف ممبئی ، دہلی ، کولکاتا اور بنگلورو میں احتجاج

Source: S.O. News Service | Published on 28th June 2022, 12:20 PM | ریاستی خبریں | ملکی خبریں |

 ممبئی، 28؍ جون (ایس او نیوز؍ایجنسی)  بین الاقوامی شہرت یافتہ سماجی کارکن اور حقوق  انسانی کی علمبردار ٹیسٹا سیتلواد کی گرفتاری کے خلاف پیر کو ممبئی ، دہلی ، بنگلورو اور کولکاتا سمیت متعدد شہروں میں صدائے احتجاج بلند کی گئی۔اس دوران ممبئی  ، دہلی اور قومی سطح کی صحافتی تنظیموں نے بھی گرفتاری کی مذمت کرتے ہوئے حکومت ہند سے ’’انتقامی سیاست ‘‘ سے باز آجانے کا مطالبہ کیا ہے۔ 

 ممبئی پریس کلب  نے  ’’عجلت میں  اور بھونڈے طریقے سے ‘‘کی گئی ٹیسٹا کی گرفتاری کی مذمت کرتے ہوئے جاری کئے گئے ایک سخت  بیان میں کہا ہے کہ شہریوں کو عدالتی فیصلے  پر سوال اٹھانے کا بھی حق حاصل ہے۔پریس کلب کے مطابق’’بد قسمتی سے ٹیسٹا سیتلواد اور دیگر افراد جو ۲۰۰۲ء کے فرقہ وارانہ فساد کے بعد متاثرین کی آواز بنے اوران کی مدد کیلئے آگے آئے، انہیں  انتقامی کارروائی کے تحت بلی کا بکرا بنایا جارہاہے۔‘‘ ’’معاملے کو گرم رکھنے‘‘ سے متعلق  سپریم کورٹ کے فیصلے میں سماجی کارکنان کے تعلق سے جو تبصرہ کیا گیاہے، اسے گرفتاری کا جواز بنانے پر پریس کلب نے کہا کہ عرضی گزاروں سے سپریم کورٹ کا عدم اتفاق  حکومت کو یہ اختیار نہیں دے دیتا کہ وہ اُن کی دھر پکڑ شروع کردے جو ایس آئی ٹی کی جانچ پر سوال اٹھا رہے تھے۔ ممبئی پریس کلب نے ’’انتقامی سیاست‘‘کو بند کرتے ہوئے ٹیسٹا اور آر بی سری کمار پر کے خلاف درج کئے گئے مقدمے کو واپس لینے اورانہیں رہا کرنے کا مطالبہ کیا۔ 

 نیشنل الائنس آف جرنلسٹس( این اے جے)  اور دہلی یونین آف جرنلسٹ (ڈی یو جے) نے بھی ٹیسٹا کی گرفتاری کی نہ صرف مذمت کی بلکہ اپنے اراکین کو آگاہ کیا کہ وہ اس کے خلاف احتجاج کیلئے تیار رہیں۔  این اے جے  کے صدر ایس کے پانڈے اور ڈی یو جے کی جنرل سیکریٹری سجاتا مڈھوک  نے کہا کہ یہ گرفتاریاں ملک میں موجود غیر اعلانیہ ایمرجنسی کا مظہر ہیں جو صحافت کی آزادی  پر حملے اور شہریوں کے جمہوری حقوق  پر بلڈوزر چلائے جانے کی وجہ سے وقت کے ساتھ  اور زیادہ  واضح  ہوتی جارہی ہے۔  دونوں تنظیموں  نے ٹیسٹا سیتلواد کے تعلق سے اپنے بیان میں کہا ہے کہ ’’یہ افسوس ناک ہے کہ ملک میں  حقوق انسانی کا دفاع کرنے والوں کو مجرم کے طور پر دیکھا جارہاہے۔ ‘‘ اس بیچ کولکاتا  میں ٹیسٹا کی گرفتاری کے خلاف اتوار کو ہی   بائیں محاذ نے احتجاج کیا جبکہ پیر کو ملک گیر احتجاج   کے نعرے کے تحت ممبئی میں  (رپورٹ صفحہ ۳؍ پر)،دہلی میں، بنگلور میں اور دیگر کئی شہروں  میں  مظاہرے کئے گئے ۔ دہلی کے  جنتر منتر پر مظاہرہ میں کانگریس لیڈر جے رام رمیش اور اجے ماکن  نے بھی شرکت کی۔  مظاہرین نے ٹیسٹاکی گرفتاری کو ’’منصوبہ بند سازش‘‘ اور ملک میں حقوق انسانی کے علمبرداروں کو’’خاموش‘‘کی کوشش قرار دیا۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...