کمٹہ:23؍اکتوبر(ایس اؤ نیوز)شہر سے گزرنے والی  قومی شاہراہ کی ہی توسیع کرتےہوئے اس کو فورلین میں تعمیر کئےجانے کا مطالبہ لےکر بائی پاس مخالف ہوراٹ سمیتی کی قیادت میں بڑے پیمانےپر احتجاج کیاگیا۔

بائی پاس مخالف ہوراٹ سمیتی کے صدر آر جی نائک نےبڑی تعداد میں جمع ہوئے احتجاجیوں  سے خطاب کرتے ہوئے کہاکہ ملک کے اکثر مقامات پر قومی شاہراہ کو ہی فورلین میں منتقل کیا جاتا ہے ، ساحلی اضلاع میں بھی یہی ہورہاہے تو کمٹہ میں بھی اسی طرح فورلین کی تعمیر ہو، یہاں کام کئے بغیر ، قومی شاہراہ پر موجود گڑھوں کی بھرتی کئے بغیر ٹول فیس وصول کرنےکی فکر کی جارہی ہے، فورلین کا کام مکمل کئےبنا ٹول فیس وصول نہ کرنےکی مانگ دہرائی ۔ انہوں نے الزام لگایا کہ صرف چار سرمایہ داروں کو بچانے کی فکر میں ہزاروں غریب عوام کو ہراساں کرنا اور ان کی زندگی اجیرن کرنا صحیح نہیں ہے۔ سابقہ ڈی سی نے بھی بائی پاس کی مخالفت کی تھی ۔ امیروں کو سہولت فراہم کرنے غریبوں کے پیٹ پر لات مارنا بے انصافی ہونے کا الزام لگایا۔ کرناٹکا رکشھنا ویدیکے کے بھاسکر پٹگار نے کام کی تکمیل سےپہلے ٹول فیس وصول کی گئی تو ٹول ناکہ ہی منہدم کرنے کی دھمکی دی۔ اس موقع پر سمیتی کے شئیلیش نائک، سنپت کمار، سریش بھنڈاری، کمار سوامی ، گنیش بھٹ، ایم وی ہیگڈے سمیت کئی لوگ موجود تھے۔

متاثرہ دیہات کڈے کوڑی کے عوام نے آئی آر بی دفترکا گھیراؤ کرتےہوئے احتجاج کیا اور آئی آر بی افسر اشوک راؤ کو میمورنڈم دیا۔ اور کمپنی کو تنبیہ کی گئی کہ اگر بائی پاس کاکام جاری رکھا گیا تو آئندہ دنوں میں سخت احتجاج کرنےکی بات کہی ۔ احتجاج میں شریک جے ڈی ایس لیڈر سور ج نائک سونی نے کہاکہ یہاں کے رکن اسمبلی بہت کمزور ہیں، اسی لئے ہرایک منصوبے کے لئے جدوجہدکرنا ضروری ہوگیا ہے، کمٹہ کے عوام کو بدتر حالات کا سامنا ہے۔ اب عوام خود احتجاج کرتے ہوئے انصاف کا مطالبہ کررہے ہیں اس کی ایک واضح مثال ہونےکی بات کہی۔