بھٹکل تعلقہ کے جنگلات کو شراوتی جنگلاتی علاقے میں شامل کرنے کے خلاف10اکتوبر کوہوگا جنگل واسیوں کا زبردست احتجاجی مظاہرہ
بھٹکل 5/اکتوبر (ایس او نیوز) بھٹکل تعلقہ کے کچھ جنگلاتی دیہاتوں کو شراوتی جنگلاتی علاقے میں شامل کرنے کا جو فیصلہ حکومت کی طرف سے کیاگیا ہے اس کے خلاف بھٹکل تعلقہ جنگل واسیوں کی طرف سے 10 اکتوبر کو زبردست احتجاجی مظاہرہ کیا جائے گا۔ اس بات کی اطلاع جنگلاتی زمین پر قبضہ داروں کے حقوق کے لئے جد وجہد کرنے والی ہوراٹا سمیتی کے ضلعی صدر ایڈوکیٹ رویندرا نائک نے دی۔
رویندرا نائک نے تعلقہ کے ہینچلے، بڈے باغ، ہاسرولّی، ہلیانی، کیکوڈ، ہارولّی، مورکوڈی، ہیجلے جیسے دیہاتوں میں پہنچ کر وہاں پر جنگلاتی زمین پر رہائش پزیر عوام کے ساتھ میٹنگ منعقد کرتے ہوئے حکومت کے اس فیصلے سے ہونے والے نقصانات کی تفصیل ان کے سامنے رکھی۔ اور ان کے حقوق حاصل کرنے کے مقصد سے منعقد کیے جانے والی احتجاجی مظاہرے میں شرکت کرنے کے لئے کہا۔انہوں نے کہا کہ حکومت نے اس فیصلے سے قبل عوام کی رائے نہیں پوچھی، جبکہ سپریم کورٹ کے فیصلے کے مطابق جنگلاتی زمین پر رہائش پزیر عوام کے حقوق کے تعلق سے کوئی بھی فیصلہ کرنے سے قبل حکومت کو اس معاملے پر از سر نو غور کرنا چاہیے تھا۔ رویندرا نائک نے کہا کہ محکمہ جنگلات کے افسران قانون کی خلاف ورزی کرتے ہوئے جنگلاتی زمین کے قبضہ داروں کو ہراساں کررہے ہیں۔اس پر روک لگناچاہیے۔
اس موقع پر دیوراج گونڈا، مادیوا نائک، نارائن مراٹھی، گنیش نائک، دتا نائک، شیو مراٹھی، پٹا مراٹھی، پرمیشور مراٹھی وغیرہ موجود تھے۔