سی اے اے اور این آر سی کی مخالفت میں احتجاجات، بنگلورو، نمبر ایک پر،گلبرگہ دوسرے، منگلورو، تیسرے اور شیموگہ چوتھے مقا م پر 

Source: S.O. News Service | Published on 18th January 2020, 1:05 PM | ریاستی خبریں | ان خبروں کو پڑھنا مت بھولئے |

بنگلورو، 18/ جنوری (ایس او نیوز) شہریت ترمیمی قانون اور شہریت رجسٹر یشن (این آر سی) کی مخالفت میں ریاست بھر میں احتجاجات کا سلسلہ جاری ہے اور اس سلسلے کے مطابق ریاست بھر میں بنگلورو کو احتجاجات کے معاملے میں سرفہرست مقام حاصل ہوا ہے۔ گزشتہ 40 دنوں میں بنگلورو میں 35/ سے زائد بڑے احتجاجات اور ہر دن چھوٹے احتجاجات کا سلسلہ جاری ہے جو 120سے تجاوزکر گئے۔ دوسرے مقام پر گلبرگہ اور تیسرے مقام پر منگلورو کا نام درج کیا گیا ہے جبکہ شیموگہ ضلع کو چوتھا مقام حاصل ہے۔ 

محکمہ پولیس کے مطابق بنگلورو میں ہر دن احتجاجات کیلئے بیس سے زائد عرضیاں موصول ہورہی ہیں، اگر عرضیات نہ بھی دی جائیں تو لوگ احتجاج کر کے ہی دم لے رہے ہیں، جبکہ گلبرگہ میں متحدہ طور پر ہونے والے احتجاج میں ایک لاکھ کے قریب لوگوں نے احتجاج میں شرکت کی جبکہ بنگلورو میں ہونے والے مشترکہ احتجاجی جلسہ میں دو لاکھ افراد کی شرکت ہوئی تھی۔ سب سے بڑااحتجاج منگلورو میں درج ہوا ہے،جہاں 15/ جنوری کو تین لاکھ سے زائد افراد کی شرکت ہوئی تھی، بلگام کو پانچواں مقام حاصل ہوا ہے۔ شیموگہ میں ہورہے احتجاجات یوں تو بڑے پیمانے پر نہیں کہے جاسکتے، لیکن یہاں ہورہے احتجاجات کی وجہ سے ضلع انتظامیہ اور پولیس پریشان ہوچکی ہے۔ مسلم متحدہ محاذ، سنی جمعیۃ العلماء شیموگہ، ایس ڈی پی آئی، شیموگہ اومنس پھر جوائنٹ ایکشن کمیٹی کے ذریعے بڑے پیمانے پر احتجاجات کئے گئے۔ کیمپس فرنٹ آف انڈیا نے راستہ رو کو تحریک چلائی، سٹیزن یونائنٹیڈ مومنٹ نے احتجاج کیا، اس کے علاوہ 35دنوں میں 28بیداری پروگرام چلائے، ساتھ ہی ساتھ ایس ڈی پی آئی کی جانب سے کاغذ نہیں دکھائیں گے مہم چلائی جارہی ہے۔ آنے والے دنوں میں بہوجن گرانتی مورچہ اور ڈی ایس ایس کی جانب سے یکم فروری کو احتجاجی جلسہ کا اہتمام کیا جارہا ہے، جوکہ شیموگہ شہر کیلئے تاریخی جلسہ کہا جاسکتا ہے۔ اس کے علاوہ سٹیزن یونائنٹیڈ مومنٹ کی جانب سے مختلف مرحلوں میں احتجاج کرنے کے فیصلے لئے گئے  ہیں۔ غرض کہ شیموگہ ضلع میں این آر سی اور سی اے اے کے خلاف آگ ٹھنڈی نہیں ہوئی ہے، بلکہ راکھ اس آگ پر ڈھپی ہوئی ہے، جو کبھی بھی شعلے بن کر بھڑک سکتی ہے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...