مسجد الحرام میں 12 سال سےکم عمر بچوں کے داخلے پر پابندی

Source: S.O. News Service | Published on 3rd November 2021, 12:25 PM | خلیجی خبریں |

ریاض،3؍ نومبر(ایس او نیوز؍ایجنسی)سعودی حکومت نے 12سال سے کم عمر بچوں کے مسجدالحرام میں داخلے پر پابندی کردی اور کہا توکلنا ایپ کے ذریعے بچوں کے عمرے اور نماز کا اجازت نامہ جاری نہیں ہوگا۔تفصیلات کے مطابق سعودی وزارت حج وعمرہ کی جانب سے بیان میں کہا گیا ہے کہ 12سال سے کم عمر بچوں کے مسجدالحرام میں داخلے پر پابندی کردی ہے ، 12سال سے کم عمر بچے عمرہ اور نماز کے اجازت ناموں کی شرائط پر پورا نہیں اترتے۔

سعودی وزارت حج وعمرہ کا کہنا تھا کہ توکلنا ایپ کے ذریعے ان کے نام سے عمرے اور نماز کا اجازت نامہ جاری نہیں ہوگا ، 12سال یا زائد عمر کے افراد کو اجازت نامہ ویکسین شرائط کے ساتھ جاری ہوگا۔سعودی حکام نے کہا کہ مؤثر اجازت نامہ کے بغیر کسی کو عمرے یا نماز کیلئے داخلے کی اجازت نہیں ہوگی۔

یاد رہے چند روز قبل سعودی حکومت نے ایک عمرے سے دوسرے عمرے کے درمیان 15 دن کی شرط ختم کرنے کا اعلان کرتے ہوئے کہا تھا کہ آئندہ اجازت نامے کی معیاد ختم ہوتے ہی نئے عمرے کا اجازت نامہ لیا جا سکے گا۔

عرب میڈیا کا کہنا تھا کہ اب ایک عمرے سے دوسرے عمرے کے درمیان انتظار نہیں کرنا پڑے گا، نئے عمرے کا اجازت نامہ پہلا اجازت نامہ ختم ہوتے ہی توکلنا یا اعتمرنا ایپ کے ذریعے حاصل کیا جاسکے گا۔

ایک نظر اس پر بھی

بھٹکل جالی روڈ سعودی کالونی میں مسجد ہاجرہ کا خوبصورت افتتاح؛ اپنے محبوب بندوں کو ہی اللہ اپنے گھر کے تعمیر کی توفیق دیتے ہیں؛ مولانا عبدالعلیم ندوی کا خطاب

جالی روڈ پر واقع نئی بسائی گئی سعودی کالونی میں جمعہ کو عصر کی نماز کے ساتھ مسجد ہاجرہ کا خوبصورت افتتاح عمل میں آیا جس میں حاضرین سے خطاب کرتے ہوئے بھٹکل جامع مسجد کے خطیب مولانا عبدالعلیم خطیب  ندوی نے  کہا کہ  اللہ کا گھر  ہر کوئی تعمیر نہیں کرسکتا، اللہ اپنے پسندیدہ ...

آنے والے دنوں میں بیرون ملک سے عمرہ زائرین کی تعداد میں اضافہ متوقع

سعودی عرب کی قومی کمیٹی برائے حج و عمرہ اور وزٹ ایکٹیویٹی کے رکن سعید باحشوان نے توقع ظاہر کی ہے کہ اگلے تین مہینوں رجب، شعبان اور رمضان کے دوران بیرون ملک سے آنے والے عازمین عمرہ کی تعداد میں اضافہ ہوگا۔ انہوں نے کہا کہ یہ اضافہ ایسے وقت میں ہوگا جب سعودی عرب میں کورونا کی ...

کورونا بحران میں روبوٹ کے ذریعہ آب زم زم کی تقسیم، حرمین شریفین میں جدید ٹیکنالوجی کا بہترین استعمال

کورونا وبا کے دور میں مکہ مکرمہ میں حرمین شریفین کی انتظامیہ نے نئی ٹیکنالوجی کا بہترین استعمال کرتے ہوئے  روبوٹ کے ذریعے آب زم زم کی بوتلوں کی تقسیم کا کام شروع کردیا ہے۔ میڈیا رپورٹ کے مطابق سیکریٹری ادارہ آب زم زم بدر اللقمانی نے کہا کہ اسمارٹ روبوٹ ٹیکنالوجی کورونا ...

حج 2022 کے لیے محض 53 ہزار درخواستیں موصول، سعودی عرب نے کوئی اعلان نہیں کیا

مرکزی وزیر برائے اقلیتی امور اور ڈپٹی لیڈر راجیہ سبھا مختار عباس نقوی نے آج کہاکہ یکم نومبرسے درخواستوں کی وصولیابی کاسلسلہ جاری ہےاور اب تک 53ہزار سے زائد درخواستیں ملی ہیں،جبکہ فی الحال حج کے تعلق سے سعودی عرب نے کوئی واضح اعلان نہیں کیا ہے اور دونوں ممالک کے درمیان باہمی ...

حج:2022:پرمٹ کے بغیر حج پر جانے والوں کے خلاف سخت قوانین جاری

سعودی عرب میں وزارت داخلہ نے پرمٹ کے بغیر حج کرنے والوں کیلئے سخت سزائیں مقرر کردی ہیں -حج انتظامات کو مؤثر بنانے، حج مقامات کا ماحول عبادت کیلئے ساز گار رکھنے، بدنظمی کو روکنے کیلئے مقررہ قوانین و ضوابط کی خلاف ورزیوں اور ان پر سزاؤں کا چارٹ جاری کردیا ہے-