مسجد الحرام میں 12 سال سےکم عمر بچوں کے داخلے پر پابندی

Source: S.O. News Service | Published on 3rd November 2021, 12:25 PM | خلیجی خبریں |

ریاض،3؍ نومبر(ایس او نیوز؍ایجنسی)سعودی حکومت نے 12سال سے کم عمر بچوں کے مسجدالحرام میں داخلے پر پابندی کردی اور کہا توکلنا ایپ کے ذریعے بچوں کے عمرے اور نماز کا اجازت نامہ جاری نہیں ہوگا۔تفصیلات کے مطابق سعودی وزارت حج وعمرہ کی جانب سے بیان میں کہا گیا ہے کہ 12سال سے کم عمر بچوں کے مسجدالحرام میں داخلے پر پابندی کردی ہے ، 12سال سے کم عمر بچے عمرہ اور نماز کے اجازت ناموں کی شرائط پر پورا نہیں اترتے۔

سعودی وزارت حج وعمرہ کا کہنا تھا کہ توکلنا ایپ کے ذریعے ان کے نام سے عمرے اور نماز کا اجازت نامہ جاری نہیں ہوگا ، 12سال یا زائد عمر کے افراد کو اجازت نامہ ویکسین شرائط کے ساتھ جاری ہوگا۔سعودی حکام نے کہا کہ مؤثر اجازت نامہ کے بغیر کسی کو عمرے یا نماز کیلئے داخلے کی اجازت نہیں ہوگی۔

یاد رہے چند روز قبل سعودی حکومت نے ایک عمرے سے دوسرے عمرے کے درمیان 15 دن کی شرط ختم کرنے کا اعلان کرتے ہوئے کہا تھا کہ آئندہ اجازت نامے کی معیاد ختم ہوتے ہی نئے عمرے کا اجازت نامہ لیا جا سکے گا۔

عرب میڈیا کا کہنا تھا کہ اب ایک عمرے سے دوسرے عمرے کے درمیان انتظار نہیں کرنا پڑے گا، نئے عمرے کا اجازت نامہ پہلا اجازت نامہ ختم ہوتے ہی توکلنا یا اعتمرنا ایپ کے ذریعے حاصل کیا جاسکے گا۔

ایک نظر اس پر بھی

متحدہ عرب امارات کی ریاست فجیرہ میں شدید بارش، ملازمین کو گھر سے کام کرنے کی ہدایت

متحدہ عرب امارات کی ریاست فجیرہ میں شدید بارشوں اور ان سے پیدا ہونے والی سیلابی صورتحال کے پیش نظر غیر ضروری نجی اور سرکاری ملازمین کو ہدایت کی گئی ہے کہ وہ گھروں سے ہی اپنا کام جاری رکھیں۔

سعودی عرب: آئندہ سال 2023 میں ایک کروڑ عمرہ زائرین کے استقبال کی تیاریاں

سعودی عرب کی قومی کمیٹی برائے حج وعمرہ کے نائب سربراہ ہانی بن علی العمیری نے توقع ظاہر کی ہے کہ آئندہ سال عمرہ زائرین کی تعداد ایک کروڑ تک پہنچ جائے گی۔ انہوں نے کہا ہے کہ ’حج وعمرہ پرکام کرنے والے تمام ادارے اس ہدف کے حصول کے لیے مشترکہ کوششیں کر رہے ہیں‘۔

مسلمانو! لوگوں کو معاف کر دیا کرو منافرت اور بغض سے اجتناب اسلامی تعلیمات کا خاصہ:عرفات میں 10لاکھ سے زائد حجاج کرام سےشیخ محمد بن عبدالکریم العیسیٰ کا خطبہ

حج کے رکن اعظم وقوف عرفہ کی ادائیگی کے دوران مسجد نمرہ سے عرفات کے مقدس مقام پر موجود10لاکھ سے زائد حجاج کرام اور آن لائن پوری دنیا کو شیخ محمد بن عبد الکریم العیسی نے مخاطب کرتے ہوئے کہا کہ اسلامی اقدارکا تقاضہ ہے کہ جو چیز نفرت کاباعث بنے اس سے دور ہو جائیں۔