ایم ای ایس کارکنوں کے خلاف کنڑانواز تنظیموں کا احتجاج
بیلگاوی، 22؍دسمبر (ایس او نیوز)ریاست کے سرحدی ضلع بیلگاوی میں بار بار ایم ای ایس کی طرف سے شر پھیلایا جارہاہے، اس لئے اس تنظیم پر مکمل طور پر قابو پانے پابندی عائدکی جائے۔اس کے علاوہ دیگر کئی مانگوں کو لے یہاں کے کنڑا نواز اداروں، کروبور اداروں، کسان تنظیم سمیت کئی تنظیموں نے احتجاج کیا اور ڈپٹی کمشنر کو ایک یادداشت پیش کی۔ احتجاجی جلوس شہر کے سرا یم وی سرکل سے نکل کر سدلگٹہ سرکل میں عوامی زنجیر بناکر ایم ای ایس کے خلاف نعرے بازی کی اور مانگ کی کہ اس موقع پر مجاہد آزادی کرانتی ویر سنگولی رائناکے مجسمہ کو اور دیگر سرکاری املاک کو نقصان پہنچانے والے اور بار بار کرناٹک کے مفادات پر آواز اٹھانے والی ایم ای ایس تنظیم پر پابندی عائد کرنے کی گذارش کی گئی۔ مانگ کی گئی کہ حکومت کو اس معاملہ میں ٹھوس اقدامات کرنے ہوں گے اورمجسمہ و دیگر سرکاری املاک کو نقصان پہنچانے والے افراد کے خلاف بھی سخت کارروائی کی جانی چاہئے۔اس احتجاج میں کنڑا رکشنا ویدیکے کے ریاستی صدر چلپتی، اے پی جے عبدالکلام فاؤنڈیشن کے ریاستی صدر نندی ایم ا یم باشاہ، تعلقہ کروبور سنگھا کے صدر سرینواس، جنرل سکریٹری آنند، ضلع صدر رام چندراکے علاوہ کئی اہم افراد بھی موجود رہے۔