پرینکاگاندھی کاخراب موسم کی وجہ سے ہماچل پردیش دورہ منسوخ

Source: S.O. News Service | By Shahid Mukhtesar | Published on 15th May 2019, 11:46 AM | ملکی خبریں |

شملہ،15/ مئی (ایس او نیوز/آئی این ایس انڈیا) کانگریس جنرل سکریٹری پرینکا گاندھی واڈرا کی منگل کو ہونے والا ہماچل پردیش کا مجوزہ سفر کو خراب موسم کی وجہ سے منسوخ کر دیا گیا۔ریاستی کانگریس لیڈر نے کہا کہ واڈرا کو منڈی کے کانگریس امیدوار شرن شرما کے حق میں سندرنگر میں ایک ریلی سے خطاب کرنا تھا۔شرن شرما بی جے پی کے موجودہ ایم پی رام سوروپ شرما کے خلاف میدان میں ہیں،وہ سابق مرکزی وزیر سکھرام کے پوتے ہیں۔شرن کے والد انیل شرما نے حال میں ریاستی حکومت کی کابینہ سے استعفی دیا ہے۔ہماچل پردیش کی تمام چار سیٹوں پر 19 مئی کو انتخابات ہونا ہے۔سال 2017 کے اسمبلی انتخابات سے پہلے انل شرما اپنے بیٹے شرن اور والد کے ساتھ بھارتیہ جنتا پارٹی میں شامل ہو گئے تھے۔انہوں نے منڈی اسمبلی سیٹ سے انتخاب جیتا تھا اور ریاست کی بی جے پی حکومت میں توانائی کے وزیر بنائے گئے تھے۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔