این سی آر بی ڈاٹا دیکھ کر یوگی حکومت پر حملہ آور ہوئیں پرینکاگاندھی ، کہا ’یو پی ہر جرم میں سرفہرست‘

Source: S.O. News Service | Published on 18th September 2021, 11:57 PM | ملکی خبریں |

لکھنؤ،18؍ستمبر (ایس او نیوز؍ایجنسی) اتر پردیش میں اسمبلی انتخاب کی سرگرمیوں کے درمیان این سی آر بی کے ذریعہ پیش کردہ جرائم سے متعلق تفصیلات نے ریاست کی سیاست میں مزید گرمی پیدا کر دی ہے۔ این سی آر بی ڈاٹا کے مطابق یو پی میں جرائم بے قابو ہیں، اور یہی وجہ ہے کہ اپوزیشن پارٹیوں نے یوگی حکومت کو تنقید کا نشانہ بنانا شروع کر دیا ہے۔ کانگریس جنرل سکریٹری اور یو پی انچارج پرینکا گاندھی نے بھی آج ریاستی حکومت پر حملہ کرتے ہوئے یو پی میں بڑھتے جرائم پر فکر مندی ظاہر کی۔

پرینکا گاندھی نے ہفتہ کے روز این سی آر بی ڈاٹا کا حوالہ دیتے ہوئے ایک ٹوئٹ کیا ہے جس میں جرائم کے ایشو پر بی جے پی حکومت کو تنقید کا نشانہ بنایا ہے۔ انھوں نے اپنے ٹوئٹ میں لکھا ہے کہ ’’این سی آر بی کے اعداد و شمار کے مطابق خواتین و دلتوں کے خلاف جرم، قتل و اغوا کے معاملوں میں اور پرتشدد جرائم کے معاملے میں اتر پردیش سرفہرست ہے۔ اتر پردیش کے دعووں کے ٹھیک برعکس اتر پردیش میں جرم کا راج عروج پر ہے۔‘‘

واضح رہے کہ این سی آر بی کے ذریعہ پیش کردہ ڈاٹا کے مطابق 2020 میں خواتین کے خلاف جرائم کے معاملوں میں سے 28153 خوتین عصمت دری کا شکار ہوئیں جن میں 25498 بالغ تھیں اور 2655 نابالغ۔ این سی آر بی کے گزشتہ سال کے اعداد و شمار کے مطابق 2019 میں عصمت دری کے 32033، 2018 میں 33356، 2017 میں 32559 اور 2016 میں 38947 معاملے سامنے آئے تھے۔ سب سے بڑی بات یہ ہے کہ کورونا وبا کی وجہ سے پورے ملک میں کچھ مہینے کے لیے مکمل لاک ڈاؤن لگا تھا اور پھر ریاستی سطح پر بھی کئی طرح کی پابندیاں عائد رہیں، اس کے باوجود 28153 عصمت دری کے معاملے نے یوگی حکومت کو کٹہرے میں کھڑا کر دیا ہے۔

ایک نظر اس پر بھی

سماج وادی پارٹی اور راجبھر کی سہیل دیو پارٹی کے درمیان اتحاد

 اسمبلی انتخابات سے قبل اترپردیش میں تیزی سے بدلتے سیاسی منظر نامے کے درمیان سال 2017 میں بی جے پی حکومت کا حصہ رہنے والی سہیل دیو سماج پارٹی نے بدھ کو مین اپوزیشن سماج وادی پارٹی کے ساتھ ہاتھ ملا کر بی جے پی کو اقتدار سے بے دخل کرنے کے عزم کا اظہار کیا۔

بی جے پی کو بے دخل کرنے لئے سیکولر پارٹیاں متحد ہوں: شیوپال یادو

 پرگتی شیل سماج پارٹی (لوہیا) کے سربراہ شیوپال یادو نے کہا کہ بی جے پی کو اترپردیش کے اقتدار سے بے دخل کرنے کے لئے یکساں نظریات کی حامل سبھی سیکولر پارٹیوں کو ایک ساتھ آنا ہوگا۔ وہ اس کے لئے سماج وادی پارٹی سمیت کسی بھی پارٹی سے اتحاد کرنے کو تیار ہیں۔

شوپیاں تصادم: ایک مزدور کی ہلاکت میں ملوث ملی ٹنٹ سمیت دو ملی ٹنٹ ہلاک، آپریشن جاری

جنوبی کشمیر کے ضلع شوپیاں کے درگڈ علاقے میں بدھ کی صبح سیکورٹی فورسز اور ملی ٹنٹوں کے درمیان چھڑنے والے مسلح تصادم میں دو ملی ٹنٹ ہلاک ہوئے ہیں جبکہ آپریشن ابھی جاری ہے۔ مہلوک ملی ٹنٹوں میں سے ایک کی شناخت عادل احمد وانی کے بطور کی گئی ہے جو پلوامہ کے لتر علاقے میں ایک غریب ...

اتراکھنڈ: شدید بارش سے اب تک 46 افراد ہلاک، 11 لاپتہ

اتراکھنڈ میں تقریباً 48 گھنٹے ہوئی موسلا دھار بارش اور لینڈ سلائیڈنگ کی زد میں آنے سے اب تک کل 46 افراد ہلاک اور 11 دیگر لاپتہ ہیں۔ اس تباہی میں کل 12 افراد زخمی حالت میں اسپتالوں میں زیر علاج ہیں۔ تباہی میں کل نو عمارتوں کو جزوی یا مکمل طور پر نقصان پہنچا ہے۔

کشمیر کے تمام لوگ شہری ہلاکتوں کی مذمت کرتے ہیں: غلام نبی آزاد

 سنیئر کانگریس لیڈر اور سابق وزیر اعلیٰ غلام نبی آزاد کا کہنا ہے کہ وادی کشمیر کے تمام لوگ شہری ہلاکتوں کی مذمت کرتے ہیں اور ان میں ملوث افراد کی گرفتاری کا مطالبہ کرتے ہیں۔ انہوں نے کہا کہ مارنے والوں کا طریقہ بدل گیا ہے لہذا ضروری ہے کہ ایک آدھ مارنے والوں کو پکڑا جائے تاکہ ان ...

اگر میرے ساتھ تصویر لینا گناہ ہے تو اس کی سزا بھی مجھے ملے: پرینکا گاندھی

حراست میں فوت ہونے والے ارون والمیکی کے اہل خانہ سے ملاقات کے لئے جا رہی کانگریس کی جنرل سیکریٹری کو پہلے پولیس انتظامیہ نے روکا اور انہیں شاہراہ سے لکھنؤ پولیس لائن لے کر آئی بعد میں انہیں 4 لوگوں کے ساتھ آگرہ جانے کی اجازت فراہم کر دی گئی۔