بھاوینا پٹیل کے چاندی کا تمغہ جیتنے پر وزیر اعظم مودی اور راہل گاندھی نے مبارک باد پیش کی

Source: S.O. News Service | Published on 29th August 2021, 11:49 AM | اسپورٹس |

نئی دہلی، 29؍اگست (ایس او نیوز؍ایجنسی) ٹوکیو پیرالمپکس کے ویمن ٹیبل ٹینس مقابلے میں چاندی کا تمغہ جیتنے والی بھاوینا پٹیل وزیر اعظم نریندر مودی نے بات کر کے انہیں مبارکباد دی ہے۔ کانگریس لیڈر راہل گاندھی نے بھی بھاوینا کو ان کی شاندار کامیابی پر مبارکباد پیش کی ہے۔

راہل گاندھی نے ٹویٹ کیا ’’چاندی کا تمغہ جیتنے پر بھاوینا پٹیل کو مبارکباد ۔ ہمیں آپ کی کامیابی پر فخر ہے۔ آپ نے ملک کا سر فخر سے بلند کیا ہے۔‘‘ قابل ذکر بات یہ ہے کہ ہندوستان کی بھوینا پٹیل ٹوکیو پیرالمپکس کے ٹیبل ٹینس مقابلے کے فائنل میں پہنچ گئیں لیکن انہیں چاندی کے تمغے پر ہی اکتفا کرنا پڑا۔

وزیر اعظم دفتر کے ذرائع کے مطابق مسٹر مودی نے اتوار کو بھاوینا کے ساتھ بات کر کے انہیں مبارکباد دی اور ان کی کوششوں کی تعریف کرتے ہوئے کہا کہ انہوں نے تاریخ رقم کی ہے۔ وزیر اعظم نے ان کے مستقبل کے مقابلوں کے لیے نیک خواہشات کا اظہار بھی کیا۔

بھاوینا پٹیل وزیر اعظم نریندر مودی کی آبائی ریاست گجرات کے وڈ نگر مہسانہ کے سوندھیا کی رہنے والی ہیں ۔ وزیر اعظم نے انہیں بتایا کہ وہ کئی بار سوندھیا گئے ہیں ۔ انہوں نے پوچھا کہ سوندھیا میں ابھی ان کے خاندان میں کون کون لوگ رہتے ہیں، اس پر بھاوینا نے کہا کہ اس کے والدین اب بھی وہیں رہتے ہیں۔

ایک نظر اس پر بھی

تمل ناڈو نے تیسری بار سیدمشتاق علی ٹرافی کا خطاب جیتا

دھماکہ خیز بلے باز شاہ رخ خان کی 15 گیندوں پر 33 رن کی زبردست اننگ کی بدولت تمل ناڈو نے یہاں پیر کو دہلی کے ارون جیٹلی اسٹیڈیم میں فائنل مقابلے میں کرناٹک کو چار وکٹ سے شکست دے کر تیسری بار سید مشتاق علی ٹرافی کاخطاب جیت لیا۔

ہندوستان کا کلین سویپ، نیوزی لینڈ کو 3-0 سے دی شکست

کپتان روہت شرما (56) کی شاندار نصف سنچری ، لیفٹ آرم اسپنر اکشر پٹیل (9 رن پر 3 وکٹ ) اور آل راؤنڈر ہرشل پٹیل (18 اور 26 رن پر دو وکٹ) کی بدولت ہندوستان نے نیوزی لینڈ کو تیسرے اور آخری ٹی ٹوئنٹی میں اتوار کو 73 رن سے ہراکر تین میچوں کی سیریز میں 3-0 سے کلین سویپ کر لیا۔