بھٹکل میں پرائمری کوویڈ کیئر سینٹرکا خوبصورت افتتاح؛ اب سانس لینے میں تکلیف یا اکسیجن میں کمی پائی جانے پربھٹکل میں ہی فوری ابتدائی علاج ممکن

Source: S.O. News Service | By I.G. Bhatkali | Published on 4th August 2020, 9:04 PM | ساحلی خبریں |

بھٹکل 4 اگست (ایس او نیوز) کوویڈ وبا کے بعد حال ہی میں کئی لوگوں کو سانس لینے میں تکلیف اوربدن میں اکسیجن کی کمی کی وجہ  سے مینگلور شفٹ کیا گیا تھا، بعض لوگوں نے اس دوران  دم بھی توڑ دیا، جبکہ کئی لوگ  صحت مند ہوکر واپس آنے میں کامیاب ہوگئے،  ایک طرف عوام کورونا کے بڑھتے معاملات سے پریشان ہیں تو وہیں دوسری طرف  اُڈپی اور مینگلوروغیرہ اسپتالوں میں  اکسیجن کی کمی والے مریضوں کے لئے بیڈ نہیں مل رہے ہیں،اسپتالوں میں آئی سی یو میں جگہ نہ ہونے کی شکایتیں بھی موصول ہورہی ہیں، ایسے   تمام حالات کو دیکھتے ہوئے   انڈین نوائط فورم  نے   بھٹکل مسلم خلیج کونسل اور قومی سماجی ادارہ مجلس اصلاح و تنظیم کے اشتراک سے  بھٹکل میں ہی عارضی   طور پر پرائمری کوویڈ کئیر سینٹر قائم کرنے کا فیصلہ کیا جس کے لئے مینگلور کے مشہور انڈیانا اسپتال کا بھی تعاون لیا گیا ہے۔

انڈین نوائط فورم، بھٹکل مسلم خلیج کونسل، مجلس  اصلاح و تنظیم بھٹکل اور انڈیانا اسپتال کے مشترکہ تعاون سے اب بھٹکل کے ایک ہوٹل کو ہی پرائمری کوویڈ کئیر سینٹر میں تبدیل کیا گیا ہے  جس کا افتتاح آج منگل صبح انڈیانا اسپتال کے مینجنگ  ڈائرکٹر ڈاکٹر یوسف کمبلے کے ہاتھوں  عمل میں آیا ہے۔

بتایا گیا ہے کہ  بھٹکل میں اگر کسی میں کورونا کی شدید علامات پائی جاتی ہے   یا مریضوں  کو   سانس لینے میں تکلیف یا اکسیجن کی کمی کی شکایت ہوتی ہے  تو ایسےمریضوں  کو  ابتدائی طور پر بھٹکل کے  اس پرائمری کوویڈ کئیر سینٹر   میں  ہی ایڈمٹ کیا جاسکتا ہے، البتہ  مزید بہتر  علاج  کی ضرورت محسوس ہونے پر   مکمل سہولیات والی ایمبولنس  کے ذریعے انہیں مینگلور شفٹ کیا جائےگا۔

 بھٹکل میں قومی سماجی ادارہ مجلس اصلاح و تنظیم  کی طرف سے کورونا سے متاثرہ (بغیر علامات والے مریضوں کے لئے)    کوویڈ کئیر سینٹراور گلف سمیت بیرون ریاست سے آنے والوں کے لئے  کورنٹائن  سینٹر کی سہولیات پہلے سے دستیاب  ہے۔ اب  کورونا کی شدید علامات والے مریضوں کے لئے بھی بھٹکل میں ہی  پرائمری ہیلتھ سینٹر قائم کیا گیا ہے۔یہاں  مریضوں کے لئے 28بستروں کے انتظام کے ساتھ ہی تین ڈاکٹرس  سمیت 8 دیگر  تربیت یافتہ میڈیکل اسٹاف کی بھی خدمات حاصل کی گئی ہے جو پوری طرح سے کورونا مریضوں کی جانچ سمیت اُن کی  دیکھ  بھال  کریں گے ۔

افتتاحی تقریب میں خطاب کرتے ہوئے مہمانان نے  بھٹکل کے عوام سے اپیل کی کہ کورونا  کے اثرات پائے جانے یا کورونا  کی علامات جیسے  سردی کھانسی بخار ہونے سے اب انہیں  خوف کھانے کی بالکل  ضرورت  نہیں ہے بلکہ اس طرح کی کوئی بھی  علامات ظاہر ہونے کی صورت میں سیدھے اس سینٹر میں  پہنچ کراپنی صحت کی جانچ کروائی جاسکتی ہے   جہاں  کووڈ ٹیسٹ کے ساتھ ہی مریضوں کو ابتدائی طبی امداد بھی فراہم کی جائے گی ۔

افتتاحی تقریب کے موقع پر بھٹکل اسسٹنٹ کمشنر بھرت ، بھٹکل کے  قاضی و علماء حضرات سمیت  شہر کے دیگر ذمہ داران  موجود  تھے  ۔جنہوں نے  خطاب کرتے ہوئےمنتظمین کے اس اقدام کی ستائش کی۔

افتتاحی تقریب میں  ذمہ داران نے کیا باتیں کہیں،  افتتاحی تقریب جھلکیاں وغیرہ دیکھنے کے لئے ذیل میں وڈیو کلپ پیش کی جارہی ہے:

 

ایک نظر اس پر بھی

بھٹکل: ٹریڈ لائسنس بنانےیا رینیو کرانے میونسپالٹی میں الگ کاونٹر قائم کرنے اسسٹنٹ کمشنر سے مطالبہ

بھٹکل میونسپالٹی میں ٹریڈ لائسنس نیا کرانے یا پرانے لائسنس کو رینیو کرانے کے لئے ایک الگ کاونٹر قائم کرنے سمیت  میونسپالٹی میں لائسنس  کے تعلق سے ہرممکن سہولت فراہم کرنے کا مطالبہ لے کر بھٹکل بزنس کمیونٹی (بازار علاقہ) کے  ایک وفدنے بھٹکل اسسٹنٹ کمشنر سے ملاقات کی ہے۔

بھٹکل:طوفانی بارش کے درمیان بیچ سمندر میں بوٹ کا انجن بند؛ بری طرح پھنسے ماہی گیروں کو بچالیا گیا

بھٹکل میں آج صبح سے رات دیر گئے تک طوفانی ہواوں کے ساتھ بارش کا سلسلہ جاری ہے، ایسے میں آج اتوار صبح ماہی گیروں کی ایک بوٹ جو بحر عرب میں  بری طرح پھنس گئی تھی اور اُس پر سوار چار ماہی گیروں کے جان کے لالے پڑ گئے تھے، شام تک چاروں کو بچالئے جانے کی اطلاع ملی ہے۔

بھٹکل میں دو مختلف سڑک حادثات؛ بائک اور کار کی ٹکر میں دو زخمی، آٹو رکشہ اور لاری کی ٹکر میں ایک زخمی

بھٹکل میں آج اتوار کو ہوئےدو مختلف سڑک حادثات میں تین لوگ زخمی ہوگئے جن میں  ایک سرکاری اسپتال سے ابتدائی طبی امداد کے بعد اُڈپی شفٹ کیا گیا ہے جبگہ   دیگر دو کو   قریبی اسپتال سے  مرہم پٹی کرائی گئی ہے۔