لاک ڈاؤن: آندھراپردیش میں دعائیہ اجتماع منعقد کرنے کے الزام میں پادری گرفتار

Source: S.O. News Service | Published on 6th April 2020, 11:49 PM | ملکی خبریں | ان خبروں کو پڑھنا مت بھولئے |

حیدرآباد،6؍اپریل (ایس او نیوز؍یواین آئی) آندھراپردیش میں پولیس نے احکام کی خلاف ورزی کرتے ہوئے دعائیہ اجتماع منعقد کرنے پر ایک پادری کو گرفتار کرلیا۔ یہ واقعہ ضلع مشرقی گوداوری کے رایا ورم گاؤں میں پیش آیا۔ اس اجتماع میں تقریباً 100افراد نے شرکت کی۔ پولیس جس نے چھاپہ مارا کہا کہ اس اجتماع میں شرکت کرنے والے کسی نے بھی ماسک نہیں پہنا ہوا تھا۔ اطلاعات کے مطابق پولیس نے وہاں چھاپہ مارنے کے بعد اجتماع میں شرکت کرنے والوں کو اپنے اپنے گھروں کو واپس بھیج دیا اور پادری کو حراست میں لے لیا۔

پادری کی شناخت وجے رتنام کے طور پر کی گئی ہے۔ حالانکہ فیڈریشن آف تلگو چرچس کے ایگزیکٹیو سکریٹریز ڈاکٹر اے تھوما اور بی دانم نے تلنگانہ اور اے پی کی حکومتوں کو مکتوب روانہ کرتے ہوئے کہا وہ حکام کے ساتھ تعاون کریں گے اور اس بات کو یقینی بنائیں گے کہ چرچس کو بند رکھا جائے۔

دوسری طرف تلنگانہ اسمبلی میں بی جے پی کے واحد رکن اسمبلی راجہ سنگھ نے اتوار کی شب ہاتھ میں ٹارچ تھام کر حیدرآباد میں انوکھا احتجاج کیا اور نعرے لگائے ”چینی وائرس واپس جاو“۔ گوشہ محل اسمبلی حلقہ کی نمائندگی کرنے والے راجہ سنگھ نے وزیراعظم مودی کی اپیل پر اپنے حامیوں کے ساتھ ہاتھ میں ٹارچ کو آن کیا۔ ان کے دوسرے حامیوں کے ہاتھ میں موم بتیاں بھی تھیں۔

اس موقع پر راجہ سنگھ نے کہا کہ وزیراعظم نے اس سلسلہ میں اپیل کی تھی۔ انہوں نے کہا کہ وزیراعظم کی اپیل پر ملک کے تمام عوام نے اس کی حمایت کی ہے۔ عوام چاہتے ہیں کہ چین کے کورونا وائرس کو شکست دینا ہے۔ ہمیں متحد ہونا ہے۔ انہوں نے مزید کہا کہ مودی کی اپیل پر پورا ہندوستان اس وائرس کو ہرانے کا عہد کر رہا ہے۔ انہوں نے کورونا وائرس سے لڑنے کے لئے خدمات انجام دینے والے تمام ڈاکٹرس کا شکریہ ادا کیا۔ ساتھ ہی انہوں نے پولیس عہدیداروں اورعوام کی خدمت کرنے والے تمام عہدیداروں سے بھی اظہار تشکر کیا۔ راجہ سنگھ نے ڈاکٹرس پر حملہ کرنے والوں کی مخالفت کی۔

ایک نظر اس پر بھی

کورونا: ہندوستان میں ہلاکتوں کی تعداد 46 ہزار کے پار، 24 گھنٹے میں پھر 60 ہزار سے زائد کیسز درج

ہندوستان میں کورونا وائرس کے بڑھتے قہرکے درمیان اس جان لیوا وبا سے شفایابی حاصل کرنے والوں کی تعداد میں بھی تیزی سے اضافہ ہورہا ہے اور گذشتہ 24 گھنٹوں کے دوران 56 ہزار سے زیادہ افراد کی شفایابی کے بعد اب تک تقریبا 16.40 لاکھ صحت مند ہوئے ہیں۔

باپ کی املاک پر بیٹی کا بیٹے کی طرح یکساں حق: سپریم کورٹ

سپریم کورٹ نے منگل کو ایک دور رس نتائج والے اپنے فیصلہ میں کہا ہے کہ ہندو غیر منقسم خاندان کی آبائی املاک میں بیٹی کو بیٹے کی طرح ہی حقوق حاصل ہوں گے، یہاں تک کہ اگر ہندو جانشینی (ترمیمی) ایکٹ 2005 کے نفاذ سے قبل ہی اس کے والد کی موت کیوں نہ ہوگئی ہو۔

بنگلور: ٹرانسفرس کے احکامات ملتوی کرانے میں مبینہ طور پر با رسوخ اساتذہ کی لابی شامل، چار سال سے ڈگری کالجوں کے لکچررس کے تبادلے نہیں ہوسکے

ریاست کرناٹک کے سرکاری فرسٹ گریڈ کالجوں میں خدمات انجام دے رہے لکچررس کے تبادلے نہیں ہوسکے ہیں، جس کے سبب انہیں کافی مشکلات کا سامنا کرنا پڑ رہا ہے اس تعلق سے الزامات لگائے جارہے ہیں کہ  چند با رسوخ لکچررس کی طرف سے سیاسی اثر و رسوخ کا استعمال کرکے تبادلوں کی کاروائی ملتوی ...